ამირან გამყრელიძე ჟურნალისტს - თქვენმა ხელმძღვანელმა მითხრას: "ძალიან მინდა ამირან გამყრელიძე გადადგეს", იქნებ მერე გაგიწიოთ ანგარიში

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მედიაში მისი შესაძლო გადადგომის შესახებ გავრცელებულ ინფორმაციას არ ადასტურებს.

გამყრელიძემ გადადგომის შესახებ გავრცელებულ ინფორმაციაზე დასმულ კითხვას უწყებათაშორისი საკოორდინაციო საბჭოს სხდომის დასრულების შემდეგ, ერთგვარი ხუმრობით უპასუხა.

"რამდენჯერ უნდა მკითხოთ ამის შესახებ? დღეს აგერ თქვენს წინაშე ვდგევარ და ვლაპარაკობ. არ გადავმდგარვარ და რა ვქნა ახლა?! თუ ძალიან გინდათ, მითხარით! თქვენმა ხელმძღვანელმა მითხრას: "ძალიან მინდა ამირან გამყრელიძე გადადგეს“, იქნებ მერე გაგიწიოთ ანგარიში“, - განაცხადა გამყრელიძემ.