ეკატერინე ტიკარაძე, მეუფე შიო, კარლ ჰარცელი... - რა შეხვედრა მიმდინარეობს საპატრიარქოში

ჯანდაცვის მინისტრი, ეკატერინე ტიკარაძე საპატრიარქოს წარმომადგენლებს ხვდება. შეხვედრა საპატრიარქოში მიმდინარეობს. საუბრის მთავარი თემა ნინოწმინდის ბავშვთა პანსიონთან დაკავშირებით განვითარებული ბოლოდროინდელი მოვლენები და პანსიონატების დეინსტიტუციონალიზაცია იქნება.

დღევანდელ შეხვედრას ესწრება მეუფე შიო, საქართველოში ევროკავშირის ელჩი კარლ ჰარცელი, ასევე Unicef-ის წარმომადგენელი.

შეხვედრის დაწყებამდე მედიასთან კომენტარი არ გაკეთებულა.

ცნობისთვის, ნინოწმინდის ბავშვთა პანსიონის ხელმძღვანელად ბოდბელი მთავარეპისკოპოსი, მეუფე იაკობი 15 ივნისს დაინიშნა. როგორც მეუფე იაკობმა ჟურნალისტებს განუცხადა, პანსიონის უკვე ყოფილმა ხელმძღვანელმა, მეუფე სპირიდონმა ეპარქიაში დაბრუნება თავისი ნებით გადაწყვიტა.