ზესტაფონში ვანო ბანცაძის მკვლელობის საქმეზე დაკავებულებულ პოლიციელს და მამა-შვილს ბრალი წარედგინა

ზესტაფონში მომხდარი მკვლელობის საქმეზე დაკავებულებს ბრალი წარედგინათ. მათ გამოძიება დანაშაულში მონაწილეობას სხვადასხვა მუხლით ედავება. დაკავებული პოლიციელის უფლებადამცველის თქმით, მისი დაცვის ქვეშ მყოფი წაყენებულ ბრალს არ აღიარებს და კვლავ დუმილის უფლებას იყენებს.

რაც შეეხება დაკავებულ მამა-შვილს, მათ გამოძიება განზრახ მკვლელობას და ნივთმტკიცების განადგურებას ედავეება. დაკავებულების სასამართლო პროცესი, სავარუდოდ, დღეს გაიმართება.

შეგახსენებთ, რომ ზესტაფონში ურთიერთშელაპარაკების ნიადაგზე მკვლელობა 29 ივნისს მოხდა. არსებული ინფორმაციით, 31 წლის ვანო ბანცაძე ცეცხლსასროლი იარაღიდან გასროლით მოკლეს. მკვლელობის ფაქტზე სამი პირი დააკავეს. მათგან ერთ-ერთი პოლიციელია, რომლის იარაღიდანაც მოხდა გასროლა. ასევე დაკავებულია მამა-შვილი. მამას განზრახ მკვლელობას, შვილს კი მტკიცებულების განადგურებას ედავებიან.