დონალდ ტრამპმა Facebook-ს, Twitter-სა და Google-ს უჩივლა - "ჩვენ მოვიპოვებთ ისტორიულ გამარჯვებას ამერიკისა და სიტყვის თავისუფლებისთვის"
აშშ-ის ყოფილმა პრეზიდენტმა დონალდ ტრამპმა Facebook-ის, Twitter-ისა და Google-ის ხელმძღვანელებს სასამართლოში უჩივლა. ტრამპი აცხადებს, რომ ის "უსაფუძვლო ცენზურის მსხვერპლია.“
მაიამის საოლქო სასამართლოში შეტანილ სარჩელში ნათქვამია, რომ სოციალური მედიაპლატფორმები არღვევენ ადამიანის სიტყვის თავისუფლების უფლებას, რომელიც გარანტირებულია აშშ-ის კონსტიტუციის პირველი შესწორებით.
"ჩვენ მოვიპოვებთ ისტორიულ გამარჯვებას სიტყვის თავისუფლებისთვის და ამერიკის თავისუფლებისთვის“, - განაცხადა დონალდ ტრამპმა აღნიშნულ საკითხთან დაკავშირებით გამართულ პრესკონფერენციაზე.
ტრამპი ეცდება დაამტკიცოს, რომ სოციალურმა ქსელებმა არა მხოლოდ მას, არამედ სხვა მოქალაქეებსაც წაართვეს სიტყვის თავისუფლება.
ცნობისთვის, სოციალურ ქსელებში დონალდ ტრამპს ანგარიშები იანვარში, კაპიტოლიუმის შენობაში მისი მხარდამჭერების შეჭრისას დაუბლოკეს, რადგანაც მიიჩნიეს, რომ ტრამპის პოსტები და მოწოდებები მხარდამჭერებისადმი ქვეყნისთვის ზიანის მომტანი იყო.
წყარო: reuters.com
"კოლია არასდროს იქნება ჩემი მემკვიდრე... ის ყველაზე ახლობელია, ვინც მყავს. მას პუტინიც ძალიან კარგად ექცევა, ის ხომ მის თვალწინ გაიზარდა" - ვინ არიან ლუკაშენკოს ვაჟები?
სად გაქრა, კრემლთან დაკავშირებული, ჰაკერთა ჯგუფი? - "ისინი დიდი კომპანიების სერვერებს უტევდნენ, შემდეგ კი, გამოსასყიდს ითხოვდნენ"
