"10 წლის გოგონამ თქვა, რომ ოჯახის ახლობელმა მამაკაცმა მის მიმართ სექსუალური სახის გარყვნილი ქმედება განახორციელა" - "იალქანი"
შინაგან საქმეთა სამინისტრომ ბათუმში არასრულწლოვანი გოგოს მიმართ სავარაუდო გარყვნილი ქმედების ფაქტზე გამოძიება დაიწყო.
როგორც არასამთავრობო ორგანიზაცია "იალქანში" "ინტერპრესნიუსთან" საუბრისას განაცხადეს, ფაქტის შესახებ ორგანიზაციაში ინფორმაცია ორი კვირის წინ შევიდა.
მათივე განცხადებით, მოზარდმა განაცხადა, რომ გარყვნილი ქმედება ოჯახის ახლობელმა მამაკაცმა განახორციელა.
ორგანიზაციის თქმით, მოზარდი სახელმწიფო ზრუნვის ქვეშაა.
"ორი კვირის წინ 10 წლის გოგომ მოგვმართა, სხვა არასრულწლოვანთან კონფლიქტის გამო. ბავშვმა გასაუბრებისას თქვა, რომ ოჯახის ახლობელმა მამაკაცმა განახორციელა სექსუალური სახის გარყვნილი ქმედება. ბავშვი იმ დღესვე სახელმწიფო ზრუნვაში გადავიდა. ის პირი დაახლოებით 45 წლის მამაკაცია. ფაქტის დროს ბავშვი სავარაუდო მოძალადესთან სტუმრად იმყოფებოდა", - აცხადებს ორგანიზაციის დირექტორი თიკო აბაშიძე.
არსებული ინფორმაციით, ფაქტთან დაკავშირებით, სამართალდამცავებმა მოზარდიც და სავარაუდოდ მოძალადეც დაკითხეს.
დაკავებულია "ყასაბიჩი", "ჩიჟიკა", "მღვდელოვიჩი"... - შსს-მ "ქურდულ შეკრებაში" მონაწილეობის ბრალდებით 25 პირი დააკავა, 4-ს ბრალი წარედგინა, იძებნება 2 პირი
ქმრის მიერ მოკლული 33 წლის მარიამ წივწივაძის საქმე ოჯახმა სტრასბურგში მოიგო - "მან ტრაგედიამდე, სულ ცოტა,11-ჯერ მიმართა პოლიციას დახმარებისთვის"
