ბათუმში 35 წლამდე მამაკაცი ცივი იარაღით დაჭრეს - "გაშველების დროს დაუჭრიათ. მის ეზოში იყო ჩხუბი..."

ბათუმში 35 წლამდე მამაკაცი ცივი იარაღით დაჭრეს. დაშავებულს 4 ჭრილობა აქვს მიყენებული.

თვითმხილველების ინფორმაციით, ორ მამაკაცს შორის იყო ფიზიკური დაპირისპირება, რა დროსაც, გაშველების მიზნით, დაპირისპირებაში მესამე მამაკაცი ჩაერთო. დაჭრილი სწორედ გამშველებელია. დაშავებული კლინიკაშია გადაყვანილი. ექიმების ინფორმაციით, მისი მდგომარეობა სტაბილურია.

ადგილზე სამართალდამცველები არიან მობილიზებულები.

"ერთ-ერთ ადგილობრივს შელაპარაკება მოუვიდა მოხუც კაცთან, ვიღაც იგინებოდაო და მისთვის უთქვამს, ნუ იგინები, ბავშვებია ეზოშიო და ეს გახდა ჩხუბის მიზეზი. მოჩხუბრების გაშველება სცადა ჩემმა მეგობარმა და ამ დროს დაუჭრიათ. მის ეზოში იყო ჩხუბი", - აცხადებს დაჭრილის მეგობარი.