"ლგბტ დროშა ჩამოვხსენით და საქართველოს დროშა ჩამოვკიდეთ, სხვა დანაშაული არ ჩაგვიდენია" - "თბილისი პრაიდის” ოფისში შეჭრისთვის ბრალდებული

"თბილისი პრაიდის” ოფისში შეჭრისთვის ერთ-ერთი ბრალდებულის გიორგი ელისბარაშვილის განცხადებით, მათ გარდა იმისა, რომ ლგბტ დროშა ჩამოხსნეს, სხვა დანაშაული არ ჩაუდენიათ. აღნიშნულის შესახებ ელისბარაშვილმა სასამართლო პროცესზე განაცხადა.

"არანაირი პრეტენზია არ გამაჩნია, დროშა ავიღე იქიდან, სხვა დანაშაული არ ჩამიდენია. ხელი დავიზიანე, შევედი ხელი გადავიბანე და ვცდილობდით კარიდან გასვლას, რომ ვერ გავედით, ისევ აივნიდან ჩამოვედით. გარდა იმისა, რომ ლგბტ დროშა ჩამოვხსენით და საქართველოს დროშა ჩამოვკიდეთ, სხვა დანაშაული არ ჩაგვიდენია და თუ ეს დანაშაულია, ავანაზღაურებთ",- განაცხადა ელისბარაშვილმა.