3 ახალშობილი, რომელთაგან ერთს ე.წ. ინდური შტამი დაუდასტურდა, ხოლო მეორეს "ბრიტანული", კვლავ მართვით სუნთქვაზე რჩება

3 ახალშობილი, რომელთაგან ერთს პირველადი სპეციფიური PCR კვლევით ე.წ. ინდური შტამი დაუდასტურდა, ხოლო მეორეს "ბრიტანული", კვლავ მართვით სუნთქვაზე იმყოფება.

როგორც "ინტერპრესნიუსს“ ციციშვილის ბავშვთა ახალი კლინიკის სამედიცინო დირექტორმა, მაია ჩხაიძემ განუცხადა, მათი მდგომარეობა კვლავ მძიმეა.

მისივე თქმით, არცერთი ბავშვის ჯანმრთელობის მდგომარეობა ჯერჯერობით არ გაუმჯობესებულა.

"მათი მდგომარეობა სტაბილურად მძიმეა, სამივე მათგანი მართვით სუნთქვაზე იმყოფება. სამედიცინო ენით, რომ აგიხსნათ, ერთ-ერთთან პირიქით ჰემოდინამიკური სტაბილურობა შეიცვალა და ინოტროპული დახმარება დასჭირდა. ყოველ შემთხვევაში, უკეთესობა არ არის“, - განაცხადა ჩხაიძემ.