"კანონიერმა ქურდმა" პასპორტი შეჭამა, რის შემდეგაც, უკრაინიდან მისი საქართველოში დეპორტაცია ჩაიშალა - რა მოხდა ბორისპოლის აეროპორტში
"კანონიერმა ქურდმა“ ავთანდილ კობეშავიძემ, იგივე "კოპალამ" საკუთარი პასპორტი შეჭამა იმ მიზნით, რომ უკრაინიდან საქართველოში დეპორტაციის პროცესი ჩაეშალა და ეს ამ ეტაპზე გამოუვიდა. აღნიშნულის შესახებ უკრაინული მედია წერს.
უკრაინელმა სამართალდამცველებმა "კოპალა" ბორისპოლის აეროპორტში, კომპანია "იანეარის“ თვითმფრინავში ჩასვეს, რომელიც ბათუმში უნდა გამოფრენილიყო.
ავთანდილ კობეშავიძე თვითმფრინავში ყველა მგზავრზე ადრე შეიყვანეს. პოლიციელთა ინფორმაციით, მან თვითმფრინავში ჩაჯდომისთანავე შეჭამა პასპორტი.
სამართალდამცველები არკვევდნენ, თუ როგორ უნდა მოქცეულიყვნენ, რა დროსაც სხვა მგზავრები, დაახლოებით, 100 ადამიანი, მათ შორის უკრაინული დელეგაციის წევრები და ასევე ბავშვები, მოსაცდელ ოთახში ჰყავდათ.
როგორც უკრაინული გამოცემები წერენ, მგზავრები მოსაცდელ ოთახში იყვნენ ყოველგვარი ახსნა-განმარტების გარეშე და ამასთან, ისინი არ იყვნენ უზრუნველყოფილნი საკვებითა და წყლით.
ამ დროისთვის უცნობია თუ რას აპირებენ უკრაინელი სამართალდამცველები "კოპალასთან" დაკავშირებით. მას ვერც უკრაინაში აბრუნებენ და შესაბამისი დოკუმენტების არარსებობის გამო, ჯერჯერობით, ვერც საქართველოში გზავნიან.
აღსანიშნავია, რომ "კოპალა" 2019 წლიდან რუსეთის ფედერაციის მიერ ძებნილადაა გამოცხადებული.
მამა-შვილი ფალავანდიშვილები პოლიციის განყოფილებაში გადაიყვანეს - მათი თქმით, ისინი დაკავებას არ ელიან
"ყველა ბავშვი ერთი და იგივეს ამბობდა, რომ ჩემი შვილის მკვლელი 3 პირი იყო: მღვდლის შვილი, კალანდია და ჯანაშია - დღესაც არ ვიცი რისთვის მოკლეს..." - რა თქვა ზაზა სარალიძემ სასამართლოში
