"მთელი ერი გააფთრებული ვჯიჯგნით ერთმანეთს, ბერები ტყვიით არკვევენ ქონების საკითხებს, ყოველდღე ღობეს სწევს ყველა მეზობელი..." - რას წერს ვაჟა-ფშაველას შთამომავალი

გორის საკრებულოს წევრი "ერთიანი ნაციონალური მოძრაობიდან", ვაჟა-ფშაველას შთამომავალი მინდია გოდერძიშვილი "ფეისბუქის" პირად გვერდზე ქვეყანაში ბოლო დროს განვითარებულ მოვლენებს ეხმაურება:

"უკიდურესად ინდიფერენტული რომ არ მეგონოს საკუთარი თავი, მეც დავწერ ჩემს აზრს, შეგრილებულს გონებაშიდ შეკოწიწებულს, სხვა და სხვა მოცემულობის ჩაანალიზების საფუძველზედ, რაღა თქმა უნდა... ერთის სიტყვით, ანუ კაროჩე, მე ვფიქრობ, რომ ფიზიკურად ცისარტყელების ერთი ნაწილი დაიქირავა პოლიტიკურად გაცისარტყელებულმა სასტავმა და შეუკვეთა საყოველთაო აყალმაყალი აქა-იქ კეფაში წამორტყმით მეტი დამაჯერებლობისათვის...

მშვენივრად შესწავლილი სოციალური მდგომარეობის და ჩვენს თავებში ჩაკირული ფსევდოღირებულებების უბადლო ცოდნის გათვალისწინებით, მთელი ერი გააფთრებული ვჯიჯგნით ერთმანეთს... ამ დროს - პური გაძვირდა, საწვავი დიდი ხანია ძვირია, მიწის დამუშავება და მოსავლის მოყვანა შეუძლებელია ბანკების გარეშე, რომელთა ფინანსური სადამსჯელო პოლიტიკა ცალკე განხილვის თემაა, მოწეული მოსავლის დიდი ნაწილი ჯერ ისეტყვება და ერთი რაკეტის მსროლელი არავინ არის, რასაც მოიწევენ ლპება, მცირე ბიზნესი ბიუჯეტის, სახელმწიფოს და პარლამენტში მოკალათებულ "ბიზმესმენთა" მსხვერპლია, საჯარო სტრუქტურებში ათჯერ მეტი ახლობელია შეტენილი, ვიდრე საქმეს სჭირდება, შეტენილთა 90% უნუგეშო დილეტანტია, პროფესიონალი კადრი მხოლოდ იმიტომ შეიძლება გამოუშვან რომ "იმასთან" მეგობრობს ბავშვობიდან, ბერები ერთმანეთთან ტყვიით არკვევენ უძრავ-მოძრავი ქონების საკითხებს, ვინც მართლა ქრისტეს ეძებს, ისიც მათთან ერთად იხარშება ქვაბში, ყოველდღე ღობეს სწევს ყველა მეზობელი, შიმშილობს უამრავი ოჯახი, ნახევარი შრომისუნარიანი საქართველო გასულია ქვეყნიდან, უამრავი გსვლას აპირებს და ა.შ... ზოგიც თქვენ დაამატეთ...

და ამ ყოველმხრივ გაბანძებული მდგომარეობის გამოსწორებაზე ფიქრის და მოქმედების ნაცვლად რას ვაკეთებთ?... დაგვაბოლეს, ტკბილებო, და ჩვენც დავბოლდით... კვლავ აქტუალურია კითხვა - გვეშველება რამეი?..... რავი აბა... გვინდა კია რო გვეშველოს?..."

ასევე ნახეთ: ვაჟა-ფშაველას ბევრისთვის უცნობი პირადი ცხოვრება, შთამომავლები და გენიალური შეგონებები, რომლებიც ზუსტად ასახავს საქართველოს დღევანდელ რეალობას