ავტორი:

"ბავშვებში ინფიცირების მაჩვენებელი გაიზარდა... მოგვიწევს, საზაფხულო ბანაკებზე უარის თქმა" - თამარ გაბუნია შეზღუდვებს არ გამორიცხავს

"ბავშვებში ინფიცირების მაჩვენებელი გაიზარდა... მოგვიწევს, საზაფხულო ბანაკებზე უარის თქმა" - თამარ გაბუნია შეზღუდვებს არ გამორიცხავს

ჯანდაცვის მინისტრის მოადგილე თამარ გაბუნია არ გამორიცხავს, რომ კორონავირუსის მოსალოდნელი "მეოთხე ტალღის" ფონზე, გარკვეული ტიპის შეზღუდვები დაწესდეს.

როგორც გაბუნიამ "პალიტრანიუსის" გადაცემა "დღის ნიუსრუმში“ განაცხადა, მათ შორის „უარის თქმა მოგვიწევს“ საზაფხულო ბანაკებზე, ისე როგორც თავი უნდა შევიკავოთ „არააუცილებელი გასართობი ღონისძიებებისგან“.

"ვიდრე ახალ შეზღუდვებზე ვისაუბრებთ, ის, რაც დღეს დარჩა ძალაში, ეს უნდა აღსრულდეს. აქ არის ინდივიდუალურ დონეზე პირბადის გამოყენება და დიდი თავყრილობებისგან თავის შეკავება. ბოლო პერიოდში ძალიან ბევრი ინფორმაცია მოდის ჩვენამდე, დიდ დაბადების დღესა და დიდ ქორწილზე, კარგია ეს ყველაფერი, მაგრამ ძალიან საშიშია.

მაგალითად ჩვენ აქტიურად ვსაუბრობთ ბავშვების საზაფხულო ბანაკებზე, ბოლო პერიოდში ბავშვებში გაიზარდა მაჩვენებელი, ეს სარისკოა, უარის თქმა მოგვიწევს. ჯერ ვსაუბრობთ, რომ არააუცილებელი გასართობი ღონისძიებებისგან თავი შევიკავოთ. ყველაზე მნიშვნელოვანია ინდივიდუალური კონტროლი, თუ მოსახლეობამაც არ შეგვიწყო ხელი ძალიან გაგვიჭირდება", - აღნიშნავს გაბუნია.

"მაესტროზე" "უცნობის " დაბრუნების გამო ტელეკომპანია ვაკო ავალიანმა დატოვა - "არხის ახალი პრიორიტეტები ჩემთვის მიუღებელია!"

კორონავირუსით ინფიცირების 1 653 ახალი შემთხვევა და 13 გარდაცვლილი - რამდენი ტესტი ჩატარდა ბოლო დღე-ღამეში და როგორია ევიპდვითარება რეგიონებში

თსუ-ს პროფესორი, ფილოლოგი რამაზ ჭილაია გარდაიცვალა