ავტორი:

გიორგი ხვედელიანი - ნიკა მელია გაერთიანების პოლიტიკური სიმბოლოა, რომელთან ერთადაც გამარჯვებამდე მივალთ!

გიორგი ხვედელიანი - ნიკა მელია გაერთიანების პოლიტიკური სიმბოლოა, რომელთან ერთადაც გამარჯვებამდე მივალთ!

დღეს ძალიან მნიშვნელოვანი რამ მოხდა, ნიკა მელიასა და ელენე ხოშტარიას გარშემო გაერთიანდა ბევრი პარტია და, რაც მთავარია, ამ პოლიტიკური ცენტრის მხარდაჭერა და კონსოლიდაცია გაგრძელდება.

ეს პროცესი იმ სულისკვეთების გაგრძელებაა, რომელიც ერთიანმა ნაციონალურმა მოძრაობამ იანვარში დაიწყო, განახლდა და კარი გააღო სხვადასხვა შეხდულებების ადამიანებისთვის სწორედ იმ მოტივით, რომ გამაერთიანებელი პოლიტიკური ცენტრი შეექმნა. და ამ გაერთიანების პოლიტიკური სიმბოლო გახდა ნიკა მელია, რომელთან ერთადაც გამარჯვებამდე მივალთ!

მართალია, იმ პერიოდში ხელისუფლებამ პრაქტიკულად ფეხებში გვესროლა, როცა ჩვენი პარტიის თავჯდომარე დააპატიმრა, მაგრამ მიუხედავად ნიკა მელიას წინააღმდეგ განხორციელებული უსამართლობისა და აღვირახსნილი პროპაგანდისა, მათ ვერ მოახერხეს მელიასა და ნაციონალური მოძრაობის გატეხვა. პირიქით, მათ მიიღეს პოლიტიკური ლიდერი, რომელიც დღეს არის ისეთი ძლიერი, როგორც არასდროს. მელიამ საკუთარი მორალური უპირატესობით დაძლია ამ ქვეყნის ინტერესების მოწინააღმდეგე ივანიშვილის გუნდი.

დღეს ჩვენი ამოცანაა ქალაქსა და ქვეყანას მართავდეს დაბალანსებული, კოალიციური ხელისუფლება. ამ იდეამ უნდა გაიმარჯვოს და სწორედ ეს იდეაა, რაც ივანიშვილის დამარცხებამდე მიგვიყვანს. ამიტომაც ჩვენი პარტია თბილისში არსად, არცერთ რაიონში არ დააყენებს მაჟორიტარ კანდიდატებს და მხარს დაუჭერს საერთო მრავალპარტიული შეთახმების კანდიდატებს.

ერთიანობით, ძალების კონსოლიდაციით, სრული მობილიზებით, საერთაშორისო დამკვირვებლების დახმარებით, რომლებიც მრავლად იქნებიან წარმოდგენილი, ჩვენ დავიცავთ შემოდგომის არჩევნებს მასობრივი გაყალბებისგან. ჩვენ არ მივცემთ ხელისუფლბას 43%-ის აღების საშუალებას. ეს არჩევნები იქნება ვადამდელ საპარლამენტო არჩევნებში გამარჯვების გენერალური რეპეტიცია, რომლის შემდეგაც დავიბრუნებთ ოლიგარქის მიერ ჯიბეში ჩადებულ ქვეყანას და ერთობაზე, ჯანსაღ კონკურენციაზე დაფუძნებული მმართველობით ქვეყანა დაიწყებს განვითარებას.

R

"16 წლის ვიყავი, მამა და დედა რომ დაშორდნენ, რთული დრო იყო" - თეონა აქუბარდია ოჯახის წევრებზე, რთულ 90-იანებსა და პირველ ნაბიჯებზე პოლიტიკაში

18:00 საათის მონაცემებით, "ფაიზერის" ვაქცინაზე 134 400-მდე ადამიანი დარეგისტრირდა

“16-დან 18 წლამდე პირების “ფაიზერით“ ვაქცინაციისას მშობლის, ან მეურვის თანხმობა იქნება საჭირო” - თამარ გაბუნია