რუსთაველზე ტრაქტორი იმ ორმოში ჩავარდა, რომლის შესაკეთებლადაც ადგილზე მიიყვანეს
რუსთაველის გამზირზე, მეტროს მიმდებარე ტერიტორიაზე წყლის მილის დაზიანების გამო ასფალტი ჩაინგრა. თბილისის მერიის ინფორმაციით, ამ წუთებში, ადგილზე შესაბამის სამუშაოებს კომპანია "ჯორჯიან უოთერ ენდ ფაუერი“ აწარმოებს.
ცოტა ხნის წინ აღნიშნულ ტერიტორიაზე ტრაქტორი ჩავარდა. როგორც "ნეტგაზეთი" წერს, ტრაქტორი იმ ორმოში ჩავარდა, რომლის შესაკეთებლადაც ის ადგილზე მიიყვანეს.
ადგილზე მობილიზებულ პოლიციას ტერიტორია ყვითელი ლენტით აქვს შემოსაზღვრული.
მთავარი ფოტო: ჩემი ქალაქი მკლავს
