"არ დაუბრუნებიათ ჯერ? მოეწონა, ეტყობა" - ნათია თურნავა "მთავარი არხის" ჟურნალისტისთვის თეა წულუკიანის მიერ მიკროფონის წართმევაზე
"მოეწონა, ეტყობა", - ასე შეაფასა ეკონომიკისა და მდგრადი განვითარების მინისტრმა ნათია თურნავამ კულტურის მინისტრის თეა წულუკიანის ქმედება, რომელმაც "მთავარი არხის“ ჟურნალისტს მიკროფონი წაართვა.
კითხვაზე თუ როგორ შეაფასებდა ის, მინისტრის ქმედებას, თურნავამ უპასუხა - "არ დაუბრუნებიათ, ჯერ? მოეწონა ეტყობა“.
ცნობისთვის, საქართველოს კულტურის მინისტრმა, ვიცე-პრემიერმა თეა წულუკიანმა, რომელიც სენაკში თეატრის გახსნას ესწრებოდა, „მთავარი არხის“ ჟურნალისტს, ემა გოგოხიას მიკროფონი გამოართვა და განაცხადა, რომ აღარ დაუბრუნებს. ჟურნალისტმა ადგილზე საპატრულო პოლიცია გამოიძახა.