"გევედი" - ქართველი მოჭიდავის ემოციები ტოკიოს ოლიმპიური თამაშების ფინალში გასვლის შემდეგ და მიმართვა ქართული დელეგაციის წევრებს
ტოკიოს 2020 წლის ოლიმპიადაზე დღეს, 1-ელ აგვისტოს, ბერძნულ-რომაული სტილით მოჭიდავე მძიმეწონოსანმა იაკობ ქაჯაიამ (130) ფინალის საგზური მოიპოვა. ქართველმა სპორტსმენმა მერვედფინალში ფინელი ელიას კუოსმანენის წინააღმდეგ სუფთა გამარჯვება მოიპოვა - მეტოქე ჩობჯენში ჩაიყვანა და იქ სრული უპირატესობით აჯობა.
იაკობმა ფინალში ასპარეზობის მოსაპოვებლად ჩილეს სახელით მოასპარეზე იასმან აკოსტა ფერნანდესი დაძაბულ ბრძოლაში დაამარცხა. შეხვედრა 1:1 დამთავრდა, ქაჯაიამ კი ქულა უფრო გვიან მოიპოვა და ამით გაიმარჯვა.
იაკობმა გამარჯვება ემოციურად აღნიშნა. პირდაპირ ეთერში კი ისმოდა, თუ როგორ მიმართა გამარჯვებულმა სპორტსმენმა ქართული დელეგაციის წარმომადგენლებს.
"გევედი" - თქვა ოლიმპიადის გახარებულმა ფინალისტმა.
ცნობისთვის, ფინალი ხვალ 14:30 წუთის შემდეგ გაიმართება.
ნახეთ ვიდეო: