ავტორი:

"ტაძარში ქალის ლაპარაკი დაუშვებელია და არ შემოუშვათ“ - მეუფე სტეფანემ ყოფილი თანამშრომელი ტაძრიდან გააძევა

"ტაძარში ქალის ლაპარაკი დაუშვებელია და არ შემოუშვათ“ - მეუფე სტეფანემ ყოფილი თანამშრომელი ტაძრიდან გააძევა

სოციალურ ქსელში ჭყონდიდის ეპარქიაში, ტაძარში გადაღებული კადრები ვრცელდება, სადაც ჩანს, თუ როგორ უპირისპირდება მრევლიდან ერთ-ერთი ქალი მეუფე სტეფანეს. ეს უკანასკნელი კი იქვე მყოფ მამაოს ეუბნება, რომ ქალი ტაძრიდან გაიყვანონ.

"თქვენი სათქმელი ქუჩაში... გაიყვანეთ, გაიყვანეთ, მამაო. ტაძარში ქალის ლაპარაკი დაუშვებელია და არ შემოუშვათ“, - თქვა მეუფე სტეფანემ, რის შემდეგაც ქალს ხელი მოჰკიდეს და გარეთ გაიყვანეს.

კამათი ეზოშიც გაგრძელდა.

"შენს ქადაგებას არ უნდა უსმინოს ხალხმა", - მიმართა მეუფეს ქალმა.

როგორც ირკვევა, ქალი, რომელიც მეუფე სტეფანეს დაუპირისპირდა, ჭყონდიდის ეპარქიის ყოფილი თანამშრომელია.

დაპირისპირების ამსახველი ვიდეო: timer.ge