ავტორი:

"ოჯახისთვის ნაკლებად ეცალა, სულ პაციენტებთან იყო... გვიან ღამით ვხედავდი სახლში" - რას წერს ნიკა მელია ცნობილ მამაზე, რომელიც დღეს იუბილარია

"ოჯახისთვის ნაკლებად ეცალა, სულ პაციენტებთან იყო... გვიან ღამით ვხედავდი სახლში" - რას წერს ნიკა მელია ცნობილ მამაზე, რომელიც დღეს იუბილარია

ცნობილი კარფიოლოგი ანზორ მელია 74 წლის გახდა. "ერთიანი ნაციონალური მოძრაობის" ლიდერი ნიკა მელია მამას იუბილეს სოციალური ქსელით ულოცავს.

"დღეს 74 წელი შეუსრულდა, აქედან 49 წელია რაც ადამიანების ჯანმრთელობაზე ზრუნავს. მთელი ეს წლები თავდაუზოგავად ემსახურება ხალხს. თავის თავისთვის, ჩვენთვის - ოჯახისთვის ნაკლებად ეცალა, სულ პაციენტებთან, სულ კლინიკაში იყო, პაციენტების ცხოვრებით ცხოვრობდა და ცხოვრობს. იშვიათად, ისიც გვიან ღამით ვხედავდი სახლში.

მიუხედავად ამისა, უამრავ რამეს ვსწავლობდი მისგან - უშუალოდ მისი ძალისხმევით, ან მის გარეშე - უბრალოდ მისი შემყურე - მის მაგალითზე. მისგან ვისწავლე, როგორ უნდა იყო პრინციპული, როგორ უნდა იყო მოტივირებული არამოტივირებულ გარემოშიც კი და როგორ უნდა გჯეროდეს წარმატების მაშინაც კი, როცა ამის შენს გვერდით ბევრს არ სჯერა!" - წერს ნიკა მელია.