გია ყანჩელის დაბადების დღე ბათუმის მუსიკალურ ცენტრში აღინიშნება

გია ყანჩელის დაბადების დღე ბათუმის მუსიკალურ ცენტრში აღინიშნება.

„10 აგვისტოსთვის განსაკუთრებულად ვემზადებოდით ხოლმე გია ყანჩელის სიცოცხლეში, ერთხელ კარლო-ვივარში ჩავაკითხეთ. საღამომდე არ გამოვჩნდით, უკვე ნერვიულობდა, არც ერთმა რომ არ მივულოცეთ ტელეფონით და საღამოს მოულოდნელად რესტორანში დავადექით თავზე. შარშან ეს თარიღი "უღრან ტყეში" აღვნიშნეთ. წელს ჩვენს მოძრავ ფესტივალს ბატონი გიას საიუბილეო საღამოებით ბათუმი მასპინძლობს. 9, 10 და 12 აგვისტოს“, - აღნიშნავს პროდიუსერი თეონა ჯორბენაძე.

კონცეპტ Art-ის მოძრავი ფესტივალი CA Goes To გია ყანჩელის დაბადების დღეს ბათუმის მუსიკალურ ცენტრში აღნიშნავს. ეს თარიღი იმ მუსიკოსებთან ერთად აღინიშნება, ვისთანაც გია ყანჩელს მეგობრობა და შემოქმედებითი ურთიერთობა აკავშირებდა. ყველასათვის საყვარელ მელოდიებს შეასრულებენ: ლიზა ბაგრატიონი, ქეთევან ქართველიშვილი, ლევან დეისაძე, ზაზა ცერცვაძე. მაესტროს ცნობილ პიესებს პროექტიდან "წერილები მეგობრებს" მაყურებელი გიორგი ცაგარელისა და საქართველოს ეროვნული სიმფონიური ორკესტრის შესრულებით მოისმენს. დირიჟორი და მუსიკალური ხელმძღვანელი - ნიკოლოზ რაჭველი. საღამოს სპეციალური სტუმარია - ბექა გოჩიაშვილი.

ფესტივალი ბათუმის მერიის მხარდაჭერით ხორციელდება. გენერალური პარტნიორი - სმარტ კაპიტალ ჯგუფი. საინფორმაციო მხარდამჭერები: ჰოლდინგი „ფორტუნა“, მედია პალიტრა, AT.GE საინფორმაციო ცენტრი 118-08.