აშშ-ის აღმოსავლეთ სანაპიროს ბოლო წლების ერთ-ერთი ყველაზე ძლიერი ქარიშხალი "ჰენრი" დაატყდება თავს - ნიუ-იორკში საგანგებო მდგომარეობა გამოცხადდა
აშშ-ის აღმოსავლეთ სანაპიროს ბოლო წლების ერთ-ერთი ყველაზე ძლიერი ქარიშხალი „ჰენრი“ დაატყდება თავს. BBC-ის ინფორმაციით, ქარიშხალი ნიუ-იორკის ლონგ-აილენდს რამდენიმე საათში მიაღწევს.
საფრთხის გამო ნიუ-იორკში საგანგებო მდგომარეობა გამოცხადდა. ამ დროისათვის ქალაქში ქარის სიჩქარე 120 კმ/სთ-ს აღემატება.
გამოცემა წერს, რომ აშშ-ის აღმოსავლეთ სანაპიროს ამ ნაწილში ქარიშხლები საკმაოდ იშვიათია.
"ჩვენ ეს ქარიშხალი ძალიან სერიოზულად უნდა მივიღოთ. ქარიშხლის შედეგად წარმოქმნილ ძლიერ ქარსა და წვიმას სერიოზული ზიანის გამოწვევა შეუძლია“, - აცხადებს საგანგებო სიტუაციების მართვის ფედერალური სააგენტოს ადმინისტრატორი დეან კრისველი.