ავტორი:

აზერბაიჯანში, ქორწილზე, რომელსაც 50-მდე ადამიანი ესწრება, "კოვიდპასპორტის" წარდგენა სავალდებულო გახდა

აზერბაიჯანში, ქორწილზე, რომელსაც 50-მდე ადამიანი ესწრება, "კოვიდპასპორტის" წარდგენა სავალდებულო გახდა

აზერბაიჯანის მინისტრთა კაბინეტის გადაწყვეტილებით, ქორწილებზე დასწრების ახალი გამკაცრებული წესი ამოქმედდა. კონკრეტულად კი, ქორწილზე, რომელსაც 50-მდე ადამიანი ესწრება, სტუმრებს კორონავირუსის წინააღმდეგ ვაქცინაციის დამადასტურებელი დოკუმენტის წარდგენა მოუწევთ. აქამდე აზერბაიჯანში მოქმედი წესით, კოვიდპასპორტების წარდგენა საქორწინო წვეულებაზე სავალდებულო არ იყო. შესაბამის დადგენილებას ხელი პრემიერ-მინისტრმა მოაწერა.

გადაწყვეტილების თანახმად, საზეიმო ღონისძიებებზე, 18 წელს ზემოთ ყველა სტუმარს მოეთხოვება დოკუმენტის წარდგენა, რომ სრულად არის ვაქცინირებული, ან გამომუშავებული აქვს იმუნიტეტი.