სარაკეტო თავდასხმა ქაბულის აეროპორტზე - რას აცხადებენ ოფიციალური პირები და როგორია ვითარება მსოფლიოს ყველაზე "ცხელ წერტილში"
ავღანეთის დედაქალაქ ქაბულის აეროპორტზე დღეს დილით სარაკეტო თავდასხმა განხორციელდა. ინფორმაციას მედიასაშუალებები თვითმხილველებსა და უსაფრთხოების სამსახურის თანამშრომლებზე დაყრდნობით ავრცელებენ.
სააგენტო Reuters-ის ცნობით, აეროპორტის მიმართულებით ხუთი რაკეტა ისროლეს, თუმცა ამერიკულმა ანტისარაკეტო სისტემამ მათი მოგერიება შეძლო და ამ დროისთვის არსებული ინფორმაციით, თავდასხმას მსხვერპლი არ მოჰყოლია.
<blockquote class="twitter-tweet"><p lang="fa" dir="rtl">کابل - گواهان رویداد میگویند چندین موشک با استفاده از یک موتر از منطقه خیرخانه به سمت فرودگاه کابل شلیک شده اند. <br><br>تاهنوز از تلفات و خسارات جزییات در دست نیست.<a href="https://twitter.com/hashtag/ArianaNews?src=hash&ref_src=twsrc%5Etfw">#ArianaNews</a> <a href="https://t.co/3mKXLsV3Eg">pic.twitter.com/3mKXLsV3Eg</a></p>— Ariana News (@ArianaNews_) <a href="https://twitter.com/ArianaNews_/status/1432190706597220352?ref_src=twsrc%5Etfw">August 30, 2021</a></blockquote> <script async src="https://platform.twitter.com/widgets.js" charset="utf-8"></script>როგორც BBC-ი წერს, თეთრი სახლი ადასტურებს მომხდარს, თუმცა ოფიციალური პირების ცნობით, მიუხედავად არსებული ვითარებისა, აეროპორტიდან ევაკუაცია უწყვეტად გაგრძელდება.
- ცნობისთვის, სარაკეტო შეტევა ქაბულის აეროპორტზე მას შემდეგ დაიწყო, რაც აშშ-ის უპილოტო საფრენმა აპარატებმა ამავე აეროპორტზე თავდასხმა აღკვეთეს. როგორც ამერიკელი სამხედროები აცხადებენ, დაგეგმილი იყო მორიგი თვითმკვლელი ტერორისტის თავის აფეთქება, თუმცა მათ ეს ვერ შეძლეს, ვინაიდან ამერიკელთა სამიზნე გახდნენ.
კონკრეტულად კი, ამერიკელი სამხედროების სამიზნე გახდა მანქანა, რომელშიც ისლამური სახელმწიფოს სულ მცირე ხუთი წარმომადგენელი იმყოფებოდა.
ამასთან, აშშ იძლევა გაფრთხილებას აეროპორტზე შესაძლო თავდასხმებზე ადამიანების ევაკუაციის დასრულებამდე. მათივე განცხადებით, ამერიკა ავღანელების ევაკუაციას ქაბულის აეროპორტიდან "უკანასკნელ მომენტამდე“ გააგრძელებს.
ცნობისთვის, აშშ და "თალიბანი“, რომელიც ახლა ავღანეთის უმეტეს ნაწილს აკონტროლებს, შეთანხმდნენ, რომ ევაკუაცია 31 აგვისტოს ჩათვლით გაგრძელდება.