"ევროკავშირის ზრდასრულ მოქალაქეთა 70 პროცენტი სრულად ვაქცინირებულია" - ურსულა ფონ დერ ლაიენი
ევროკავშირის ზრდასრულ მოქალაქეთა 70 პროცენტი სრულადაა ვაქცინირებული, - ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა. მისი თქმით, ამ წარმატების მიუხედავად, შეჩერების დრო არ არის და პანდემიის დასასრულებლად კიდევ დიდი ძალისმხევაა საჭირო.
„ევროკავშირში ზრდასრული მოსახლეობის 70% სრულად აცრილია. მინდა, მადლობა გადავუხადო ბევრ ადამიანს, ვინც შესაძლებელი გახადა ეს დიდი მიღწევა. მაგრამ ჩვენ უფრო შორს უნდა წავიდეთ! უფრო მეტი ევროპელის ვაქცინაცია გვჭირდება. ჩვენ ასევე უნდა დავეხმაროთ ვაქცინაციაში დანარჩენ მსოფლიოს. ჩვენ გავაგრძელებთ ჩვენი პარტნიორების მხარდაჭერას“, - განაცხადა ევროკომისიის პრეზიდენტმა.