"მოვამზადებ სოფელში გადასვლის სურვილის მქონე, მაღალი დონის გაპრანჭულ ქალბატონებს" - მარიამ საჯაია, ნინო წილოსანს პასუხობს

"ქართული ოცნების" პარლამენტარმა ნინო წილოსანმა, რამდენიმე დღის წინ, "ფეისბუქის" ოფიციალურ გვერდზე გამოაქვეყნა ფოტო, წარწერით:

"ე.ი. სოფელში რომ დავსახლდები, საქმიანობას წამოვიწყებ, ბევრს ვიშრომებ, კარგად გავმართავ ჩემს წამოწყებას, ჩემს ნაშრომს რეალიზაციას გავუკეთებ, გავაფართოვებ საქმეს, სხვა ქალებსაც ავიყოლიებ და ბევრნი გავხდებით... მერე კი ვიტყვი ნამდვილ წარმატებას მივაღწიე-თქო!"

ამის საპასუხოდ "ნაციონალური მოძრაობის" ყოფილი პარლამენტარი მარიამ საჯაია, რომელიც 2018 წელს საცხოვრებლად სოფელ მუხრანში გადავიდა, სოციალურ ქსელში აქვეყნებს პოსტს, ფოტოსთან ერთად:

"მოვამზადებ სოფელში გადასვლის სურვილის მქონე მაღალი დონის გაპრანჭულ ქალბატონებს უმაღლეს დონეზე შემდეგი მიმართულებებით:

- შესავალი ოფლისღვრაში;

- წელშიგადაწყვეტის საფუძვლები;

- სელფქეარ ენდ ბიუთი ველურ პირობებში (ძირითადად ფრჩხილების მიმართულებით);

- გაძუნძგლული ფოტოგრაფია.

ეზიარეთ ნამდვილ სოფლელობას", - წერს მარიამ საჯაია.