"დავადასტურე ევროკავშირის მხარდაჭერა საქართველოს ტერიტორიული მთლიანობისადმი" - რა უთხრა სატელეფონო საუბრისას შარლ მიშელმა პუტინს
ევროპული საბჭოს პრეზიდენტის, შარლ მიშელის განცხადებით, რუსეთის პრეზიდენტ ვლადიმერ პუტინთან სატელეფონო საუბრისას სხვა საკითხებთან ერთად საქართველოსა და უკრაინაზეც ისაუბრა.
შარლ მიშელის განცხადებით, ასევე გაცვალეს აზრები სომხეთ-აზერბაიჯანის კონფლიქტის დარეგულირების პერსპექტივებზე.
"დავადასტურე ევროკავშირის მხარდაჭერა უკრაინისა და საქართველოს ტერიტორიული მთლიანობისადმი. გავცვალეთ აზრები სომხეთ-აზერბაიჯანის კონფლიქტის დარეგულირების პერსპექტივებთან დაკავშირებით – საჭიროა ნდობის აღდგენა და დიალოგი.
დავგმე ბელარუსის მიერ ევროკავშირის წევრი სახელმწიფოების წინააღმდეგ უკანონო მიგრაციის იარაღად გამოყენება“, - წერს შარლ მიშელი „ტვიტერში“.
მისი თქმით, რუსეთის პრეზიდენტთან ავღანეთში ბოლო დროს განვითარებული მოვლენებიც განიხილა.