ლოს ანჯელესის სკოლებში 12 წლის ზემოთ ასაკის მოსწავლეებისთვის ვაქცინაცია სავალდებულო ხდება
ლოს-ანჯელესის ოლქის სკოლების საბჭომ მიიღო გადაწყვეტილება, რომლის თანახმადაც 12 წლის ზემოთ ასაკის მოსწავლეებისთვის კორონავირუსის საწინააღმდეგო ვაქცინაცია სავალდებულო გახდება.
Reuters-ის ინფორმაციით, სკოლების საბჭოს წევრებმა გადაწყვეტილებას ერთხმად დაუჭირეს მხარი.
"მე არ განვიხილავ ამას როგორც თქვენს, ან ჩემს არჩევანს. მე ეს მიმაჩნია საზოგადოების საჭიროებად,“- განაცხადა საბჭოს ერთ-ერთმა წევრმა ჯეკი გოლდბერგმა.
ლოს -ანჯელესის სასკოლო ოლქის ვაქცინის პოლიტიკა ვრცელდება ოლქის 12 წლის ან უფროსი ასაკი მოსწავლეზე, გამონაკლისი შეეხებათ მხოლოდ მათ, ვისაც ვაქცინაცია ჯანმრთელობის მდგომარეობის, ან რელიგიური კუთვნილების გამო არ შეუძლიათ.
მანამდე ლოს-ანჯელესის ოლქის სკოლების საბჭომ ვაქცინაცია სავალდებულო გახადა სკოლების თანამშრომლებისთვის.