თბილისში, წერეთლის გამზირზე 3 არასრულწლოვანი დაჭრეს
თბილისში, წერეთლის გამზირზე, ცივი იარაღით, სამი არასრულწლოვანი დაჭრეს.
არსებული ინფორმაციით, უთანხმოების მიზეზი მოზარდებს შორის მუსიკალური გემოვნება გახდა.
როგორც "ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 19-109 მუხლით დაიწყო, რაც მკვლელობის მცდელობას გულისხმობს.
ადგილზე მობილიზებული არიან სამართალდამცველები და მიმდინარეობს საგამოძიებო და ოპერატიული ღონისძიებები.