ჯო ბაიდენი "ბუსტერ" დოზით აიცრა - ვის უკეთებენ აშშ-ში ვაქცინის მესამე დოზას
აშშ-ის პრეზიდენტი ჯო ბაიდენი კორონავირუსის საწინააღმდეგო ვაქცინის მესამე, ე.წ. ბუსტერ დოზით აიცრა.
"ბუსტერ" დოზა მნიშვნელოვანია, მაგრამ ყველაზე მნიშვნელოვანი, რაც ჩვენ უნდა გავაკეთოთ, არის მეტი ადამიანის ვაქცინაცია", - განაცხადა პრეზიდენტმა და დასძინა, რომ შეერთებულ შტატებში მოქალაქეების დაახლოებით 23% არ აცრილა.
აშშ-ის დაავადებათა კონტროლისა და პრევენციის ცენტრმა გასულ კვირას მხარი დაუჭირა ფაიზერ/ბიონტექის ვაქცინის დამატებითი დოზის გამოყენებას 65 წელზე უფროსი ასაკის ამერიკელებისთვის, თანმხლები დაავადების მქონე მოზრდილებისთვის, ასევე მათთვის, ვინც, სამსახურის გამო, დაინფიცირების მაღალი რისკის ქვეშ იმყოფება.