"ოცნების" ცენტრალური ოფისის წინ სცენის მონტაჟი მიმდინარეობს - ადგილზე ზურაბ ჯაფარიძე გიტარით მივიდა
"ქართული ოცნების“ ცენტრალური ოფისის წინ სცენისა და მონიტორის მონტაჟი მიმდინარეობს.
ტრადიციისამებრ, არჩევნების დღეს, სახელისუფლო პარტიის ლიდერები საკუთარ მხარდამჭერებთან ერთად ოფისის წინ დადგმულ მონიტორზე ისმენენ არჩევნების წინასწარ შედეგებს.
ე.წ. ეგზიტპოლები 20:00 საათიდან, საარჩევნო უბნების დახურვის შემდეგ გამოქვეყნდება.
"ოცნების" ოფისის წინ ცოტა ხნის წინ „გირჩი - მეტი თავისუფლებისთვის“ ლიდერი ზურაბ ჯაფარიძე გიტარით მივიდა და ადგილზე მყოფ მამუკა მდინარაძეს ჰკითხა, როდის იწყებდნენ ზეიმს.
ადგილიდან ვიდეოს ჟურნალისტი დეა მამისეიშვილი ავრცელებს.