ავტორი:

"ამ პოსტს ვწერ რომ მივმართო ხალხს... დედაჩემზე იყო მძიმე ჭორი.." - რას წერს ნიკოლოზ სააკაშვილი

"ამ პოსტს ვწერ რომ მივმართო ხალხს... დედაჩემზე იყო მძიმე ჭორი.." - რას წერს ნიკოლოზ სააკაშვილი

საქართველოს ექსპრეზიდენტის, მიხეილ სააკაშვილის ვაჟი, ნიკოლოზ სააკაშვილი ბოლო დროს განვითარებულ მოვლენებს ფეისბუქზე ეხმიანება და შემდეგ პოსტს აქვეყნებს:

"ჭორებს არასდროს ვაქცევ ყურადღებას, მაგრამ ამ რთულ პერიოდში და ამდენ დრამაში მესმის, რომ მძიმე და გაბუქებული ჭორების დაჯერება ადვილია. ამ პოსტს ვწერ, რო მივმართო ხალხს და ჭორებს: ცნობისთვის, მე ვარ 15 წლის და თბილისში 15 წელია ვცხოვრობ სანდრასთან ერთად.

უმჯობესია, რომ კრიტიკული იყოთ და არ აყვეთ ფეიზბუკ (და სხვა სოციალური მედიის) კომენტარებს და " ჭორიკანა" გვერდებს. ვისწავლოთ, რომ კრიტიკული ვიყოთ ყველა გამოქვეყნებული ინფორმაციის მიმართ და დავსვათ შემდეგი კითხვები: საიდან იციან? სანდო წყარო აქვთ? რა მესიჯის გადმოცემას ცდილობენ? ვის ინტერესში შედის ეს? ზოგადად რა ნარატივი აქვთ?

დედაჩემზე იყო მძიმე ჭორი, რომ ცუდად არის, რა თქმა უნდა, სრულიად სისულელეა. მე შემიძლია ვთქვა, რადგან დედაჩემთან ერთად ვარ სულ, რომ ეს ასე არ არის. მაგრამ მესმის რომ შეიძლება დამაჯერებლად გამოიყურებოდეს.

მოკლედ, რას ვამბობ: არაფერი არ იცით, ამ სიტუაციაში ჩვენ ძალიან პირადულად ვაკეთებთ ყველაფერს და უბრალოდ შეუძლებელია რომ პრესამ ან ნებისმიერ ფეიზბუკ პიროვნებამ, ან თუნდაც სუსმა იცოდეს რა ხდება ჩვენ პირად ცხოვრებაში.

ნებისმიერი ჭორის წყარო არის უბრალოდ ფანტაზია. იყავით კრიტიკული, იყავით ძლიერი, გაუფრთხილდით თავს და მეორე ტურში აუცილებლად ხმა მიეცით ცვლილებას", - წერს ნიკოლოზ სააკაშვილი.