მთავრობამ რამდენიმე შეზღუდვა შეამსუბუქა - რა გადაწყვეტილება მიიღო საკოორდინაციო საბჭომ?

მთავრობის გადაწყვეტილებით კორონავირუსის პრევენციის მიზნით დაწესებული რამდენიმე შეზღუდვა შეამსუბუქა. ამის შესახებ საკოორდინაციო საბჭოს სხდომის შემდეგ გახდა ცნობილი.

"კვების ობიექტების მუშაობა ხვალიდან ერთი საათით გახანგრძლივდება და ისინი 22:00 საათის ნაცვლად 23:00 საათამდე შეძლებენ. იხსნება კონცერტებისა და ფესტივალების გამართვასთან დაკავშირებით არსებული შეზღუდვა.

9 ოქტომბერს დაგემილ საქართველო-საბრძნეთის საფეხბურთო მატჩზე დაიშვება მაყურებლების 33%, ოღონდ ერთი პირობით, მათ უნდა წარმოადგინონ ვაქცინაციის დამადასტურებელი დოკუმენტი, ან 72-საათიანი ვალიდურობის PCR ტესტი, ან 24-საათიანი ვალიდურობის ანტიგენტესტის უარყოფითი პასუხი, ან ბოლო 6 თვის განმავლობაში კორონავირუსის გადატანის დამადასტურებელი ცნობა" - აღნიშნა საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ საკოორდინაციო საბჭოს სხდომის დასრულების შემდეგ განაცხადა.