Eurohold-მა, რომლის წევრიც სადაზღვევო კომპანია ევროინს ჯორჯიაა, დაადასტურა EBRD-თან შეთანხმება Euroins Insurance Group-ის მინორიტარული წილის შესყიდვის შესახებ
ევროინს ჯორჯია, უკვე წლებია ოპერირებს ქართულ ბაზარზე.
კომპანია ორიენტირებულია სადაზღვევო პროდუქტების სრულ სპექტრზე, რომელიც მოიცავს: ქონების, ავტოს, ჯანმრთელობისა და სიცოცხლის დაზღვევას.
ევროინს ჯორჯია, საქართველოს ბიზნეს ასოციაციის და საქართველოს სადაზღვევო ასოციაციის წევრია. ამჟამად, კომპანიაში საქართველოს მასშტაბით 150-ზე მეტი მაღალი კვალიფიკაციის მქონე თანამშრომელია დასაქმებული, რომელთა მათგანს სადაზღვევო სფეროში 20 წელზე მეტი გამოცდილება აქვს.
ევროინს ჯორჯია, საქართველოში ევროპული სადაზღვევო კომპანიის პრაქტიკას, საერთაშორისო გამოცდილებას და ევროპაში უკვე აპრობირებულ თანამედროვე დაზღვევის სისტემებს ნერგავს, რომელიც ადგილობრივ სამომხმარებლო ბაზარზეა მორგებული.
სოფია, 2021 წლის 10 სექტემბერი
Еurohold Bulgaria AD ატყობინებს[1] თავის აქციონერებსა და ფართო საზოგადოებას, რომ ის აწარმოებს აქტიურ მოლაპარაკებებს ევროპის რეკონსტრუქციის და განვითარების ბანკთან (EBRD), Еurohold-ის სადაზღვევო ბიზნესის გამაერთიანებელი ჰოლდინგის, Euroins Insurance Group AD-ის (EIG) მინორიტარული წილის შესყიდვის თაობაზე.
გარიგება ორივე მხარის ყველა კორპორატიულ დონეზეა დადასტურებული, თუმცა მის დასრულებამდე საჭიროა ყველა საბოლოო დოკუმენტის შეთანხმება და გაფორმება, ასევე ყველა წინასახელშეკრულებო პირობის დაკმაყოფილება.
EBRD-ის ინვესტიცია EIG-ში 30 მილიონ ევროს შეადგენს და განხორციელდება სადაზღვევო ჯგუფის კაპიტალის გაზრდის გზით. Еurohold ასევე მიიღებს მონაწილეობას კაპიტალის გაზრდის პროცესში 12 მილიონი ევროს მოცულობის კაპიტალდაბანდების მეშვეობით.
Euroins Insurance Group მოზიდულ სახსრებს უპირველესად ჯგუფის ყველაზე მსხვილი სადაზღვევო კომპანიის - Euroins Romania Asigurare Reasigurare SA-ის გასავითარებლად მიმართავს, ასევე სამხრეთ-აღმოსავლეთ ევროპაში ჰოლდინგის პოზიციების გასამყარებლად.
EBRD-მ მონაწილეობა მიიღო Еurohold-ის მიერ CEZ Group-ის ბულგარეთის ბიზნესის თანადაფინანსებაში.
Eurohold Bulgaria ADEurohold Bulgaria არის წამყვანი ფინანსური და ენერგეტიკული ჯგუფი CESEE/FSU რეგიონში, რომელიც მუშაობს ელექტროენერგიის განაწილებისა და მომარაგების, დაზღვევის, ლიზინგის, ავტომობილების გაყიდვების, აქტივების მართვისა და ინვესტიციების სფეროში. Eurohold კოტირდება BSE და WSE ბირჟებზე. ამასთანავე, Eurohold ფლობს Euroins Insurance Group-ს (EIG), ერთ – ერთი ყველაზე დიდ დამოუკიდებელ სადაზღვევო ჯგუფს CEE / SEE / FSU რეგიონში, რომელიც ოპერირებს 13 ქვეყანაში და ჰყავს შვილობილი კომპანიები ბულგარეთში, რუმინეთში, ჩრდილოეთ მაკედონიაში, უკრაინაში, საქართველოში, რუსეთსა და ბელორუსში. EIG ასევე ოპერირებს საბერძნეთსა და პოლონეთში, აქვს დაზღვევის საკუთარი ნიშები ესპანეთში, იტალიაში, გერმანიასა და გაერთიანებულ სამეფოში. ამჟამად სადაზღვევო ჯგუფი ემსახურება 4 მილიონზე მეტი კლიენტს და ჰყავს 3000-ზე მეტი თანამშრომელი. Eurohold-მა ცოტა ხნის წინ შეიძინა ჩეხური ენერგეტიკული ჯგუფის CEZ-ის შვილობილი კომპანიები ბულგარეთში თავის სრულ საკუთრებაში არსებული Eastern European Electric Company-ის საშუალებით, რომელსაც ამჟამად ჰყავს 3000-ზე მეტი თანამშრომელი და მომსახურებას უწევს თითქმის 3 მილიონ მომხმარებელს ქვეყნის მასშტაბით.
R