"კორონავირუსთან ბრძოლის მარათონში ჯერ მხოლოდ მარშრუტის 60%-ს ვუახლოვდებით" - რას აცხადებენ ჯანმო-ში
კაცობრიობა მალე გაივლის კოვიდთან ბრძოლის გზის 60%-ს, თუმცა, წინ კიდევ შეიძლება შეგვხვდეს მოულოდნელი ბარიერები. ამიტომ, პანდემიის მალე დასრულების მოლოდინი ნაადრევია. ამის შესახებ შვეიცარიულ მედიაში გამოქვეყნებულ ინტერვიუში ჯანმო-ს მთავარმა მეცნიერ - თანამშრომელმა სუმია სვამინათანმა განაცხადა.
კითხვაზე, სად იმყოფება ამ დროისთვის კაცობრიობა, თუკი პანდემიას მარათონს შევადარებთ, მან განაცხადა:
„ვიმედოვნებ, რომ მალე გადავლახავთ მარშრუტის 60%-ს. თუმცა, არ არის გამორიცხული, კიდევ ერთ სიმაღლეზე ასვლა მოგვიწიოს. ნაადრევი იქნება იმაზე საუბარი, რომ მალე გადავკვეთთ ფინიშის ხაზს. ეს ასე არ არის“, - განაცხადა სვამინათანმა.
მისი განმარტებით, წინ გველოდება ძალიან ბევრი უცნობი და მათ შორის, კორონავირუსის ახალი ვარიანტების მოულოდნელი გამოვლინებები.
ამ მიმართულებით, მან ყურადღება გაამახვილა მოსახლეობაში მნიშვნელოვან გარღვევაზე კოვიდ-19-ის საწინააღმდეგო ვაქცინაციაში მსოფლიოს სხვადასხვა ქვეყანაში.
კერძოდ, მისი თქმით, მოსახლეობის 70-80% აიცრა, აფრიკაში კი, აცრის მაჩვენებელი არ აღწევს 4%-საც კი.
„რაც უფრო დიდი ხნის განმავლობაში შევეგუებით ამ ვითარებას, მით მეტია ახალი ვარიანტების გაჩენის რისკი“, - განაცხადა ჯანმოს მეცნიერთანამშრომელმა.