"ავდგები მალე და სანამ მანდედან არ გამოგიყვან, სხვა საქმე არ მაქვს... ბურთი მეჩხირება ყელში, ვამაყობ შენით"- უგულავას წერილი სააკაშვილს
ფოთის მერობის ოპოზიციონერი კანდიდატი, გიგი უგულავა პატიმრობაში მყოფ პრეზიდენტს წერილს უგზავნის, სადაც მხარდაჭერას უცხადებს და ამბობს, რომ მიხეილ სააკაშვილის საპატიმროდან გამოსაყვანად ყველაფერს გააკეთებს.
უგულავას წერილს სოციალურ ქსელში ნანუკა ჟორჟოლიანი ავრცელებს.
"მიშა, ვიცი ,რომ მაგრად და ჯანზე იქნები, ზედმეტს არ მოგწერ. არც შიმშილობის შეწყვეტას გთხოვ, უკეთ იცი შენ. ერთი მინდა გითხრა, რომ ამდენი ხნის თავზე თუ რამე გამაკვირვებდა და აღმაფრთოვანებდა, ეს შენი დაბრუნება იყო. ისტორიული მასშტაბის აქტი მოხიე თან მაგარი სიმსუბუქით.
ეს ჩვენი ეროვნული ციხეც ალბათ უნდა გენახა. მოკლედ, ისტორიულ სიმბოლოზმში ყველაფერი ჟანრის წესებით მიდის. აწი ცოტა გაძლებაც უნდა. ეს ხალხიც ნელა, მაგრამ იქოქება. შოკი და დაუჯერებელი იყო ხალხისთვის. მე ავდგები მალე და იცოდე, სანამ მაქედან არ გამოგიყვან მე სხვა საქმე არ მაქვს. ვერ ვიტან, მძულს ის აზრი, როცა წარმოვიდგენ, რომ შენ ბიძინას ციხეში ზიხარ.
ბურთი მემჩხირება ყელში ბრაზისგან. დანარჩენს მიეხედება. წიგნებს არ გთავაზობ. არ მგონია, რომ ჩვენი გემოვნება მანდ დაემთხვეს აბა შენ იცი, იყავი მხნედ და მტკიცედ. მე ვამაყობ შენით როგორც არასდროს" - ნათქვამია უგულავას წერილში.