ავტორი:

"მშიშარა, ჩამორჩენილი აზროვნების ადამიანების გამო ისევ სრულად დაკეტვა აღარ მინდა!" - რას წერს ეკო ფანგანი?

"მშიშარა, ჩამორჩენილი აზროვნების ადამიანების გამო ისევ სრულად დაკეტვა აღარ მინდა!" - რას წერს ეკო ფანგანი?

ტელეწამყვანი ეკო ფანგანი სოციალურ ქსელში პოსტს აქვეყნებს, სადაც ეპიდვითარებას ეხმაურება და ანტივაქსერებს აკრიტიკებს:

"ყველაზე მეტად მაღიზიანებდა სიტყვები “ჯოგური იმუნიტეტი”. ვინც ამას ამბობდა მეგონა (ახლაც მგონია) ადამიანთმოძულე, ბოროტი არსება. ერჩივნათ რომ არაფერი არ დაკეტილიყო, ეცხოვრათ, ეგულავათ და, სამაგიეროდ, ვინც გადაიტანდა კოვიდს, გადაიტანდა და ვინც არა დაიხოცებოდა.

მაგრამ ახლა, როცა ამდენი აცრაა, უკვე ფუჭდება აცრები და მაინც არ იცრება ხალხი, დღევანდელი მაჩვენებელი არის 4475 ინფიცირებული და 37 გარდაცვლილი! მე აღარ მინდა მშიშარა, ჩამორჩენილი აზროვნების ან სრულიად უაზრო ადამიანების გამო ისევ სრულად დაკეტვა და შევიწროებული ცხოვრება!

უკვე ძალიან ბევრმა რამდენიმე თვის წინ გავიკეთეთ აცრები, აცრილმა ორსულებმა გააჩინეს ბავშვები, მოხუცები, ახალგაზრდები ოთხივე აცრით ავიცერით და ყველა კარგად ვართ, არ ამოგვივიდა არც რქები და არც კუდები, არც რობოტებად გადავიქეცით. ანტივაქსერები ამბობენ, რომ მათი სადმე არ შეშვება არის ადამიანების დისკრიმინაცია!

ჩვენ კი ვამბობთ, რომ თქვენს გამო, ჩვენ ცხოვრება აღარ გვაქვს და თქვენ ხართ საზოგადოებისთვის საშიშები!კოვიდით გარდაცვლილების 99 % არის აუცრელი! მაშინ იყოს ჯოგური იმუნიტეტი, ვინც გადაიტანს, გადაიტანს და ვინც საავადმყოფოშიც ვერ მოხვდება, პრეტენზიები მხოლოდ საკუთარ თავთან. მხოლოდ თქვენი პასუხისმგებლობაა ეს ყველაფერი.მთავრობა, ექიმები, ჯანდაცვა, სისტემა.. ბლააა-ბლააა-ბლააა არ გავიგოთ ნორმალური, ცხოვრება გვინდა!" - წერს ფანგანი.