ავტორი:

8 ბრენდი და ერთი სალარო -  ახალი სივრცე თბილისში, რომლის გახსნაც არ უნდა გამოგრჩეთ

8 ბრენდი და ერთი სალარო -  ახალი სივრცე თბილისში, რომლის გახსნაც არ უნდა გამოგრჩეთ

მალე თბილისში გაიხსნება მრავალფუნქციური სავაჭრო სივრცე, სადაც სურსათის, ტანსაცმლის, წიგნების, სახლის აქსესუარების, სათამაშოების, მედიკამენტებისა და პარაფარმაციის საშუალებების შეძენა ერთი სალაროს პრინციპით არის შესაძლებელი.

მომხმარებლებს აღარ მოუწევთ სხვადასხვა პროდუქტის საფასურისთვის დამოუკიდებელი სალაროების გამოყენება, რაც დროის დაზოგვის საშუალებას მისცემთ და კომფორტს შეუქმნით.

საინტერესოა, რა ბრენდები ერთიანდებიან ერთი სალაროს ქვეშ?

სავაჭრო სივრცეში წარმოდგენილი იქნება ისეთი ცნობილი, სანდო და წარმატებული ბრენდები როგორიცაა: „სპარი“, „სუფთა სახლი“, „ფარმადეპო“, „ნოსტე“, „ბრიკორამა“, „ბიბლუსი“, კაფე „პიატო“ და „პეპელა“, რომლებიც კომპანიის პარტნიორები გახდნენ.

„მულტის“ პირველი ობიექტი ვაკის პარკის მიმდებარედ იხსნება. სავაჭრო სივრცეში მისულ სტუმრებს შეეძლებათ ავტომობილები სპეციალურად მათთვის განკუთვნილ პარკინგზე დატოვონ და მშვიდად იშოპინგონ.

„ბაზარი გვიჩვენებს, რომ დღეს მოქნილი სერვისის მიღების საჭიროება სულ უფრო მეტად დგება. მულტის იდეაც სწორედ აქედან დაიბადა. ერთ სივრცეში თავი მოვუყარეთ ყველაფერს, რაც მომხმარებელს სჭირდება. „მულტი“ წარმოადგენს მცირე ეკოსისტემას, რომელიც შექმნილია მომხმარებლის კომფორტისთვის,“ - აღნიშნავენ „მულტიში“.

აღსანიშნავია, რომ მალე მომხმარებელს საშუალება ექნება, „მულტის“ მიტანის სერვისითაც ისარგებლოს და სახლიდან გაუსვლელად, მოკლე დროში მიიღოს ყველაფერი, რაც სავაჭრო სივრცეში იქნება წარმოდგენილი.

R