გიგი უგულავა დღეს ჩატარებული PCR ტესტის პასუხს აქვეყნებს - რას წერს პოლიტიკოსი მის მიმართ განხორციელებული კრიტიკის შემდეგ?
გიგი უგულავა საკუთარი ჯანმრთელობის მდგომარეობასთან დაკავშირებით კიდევ ერტ განმარტებას აკეთებს და მეტი თვალსაჩინოებისთვის PSR ტესტის პასუხს აქვეყნებს, სადაც წერია, რომ ის კოვიდუარყოფითია.
"მეგობრებო, გუშინდელი დღის მერე განსაკუთრებულად გაიზარდა ინტერესი ჩემი ჯანმრთელობის მიმართ. მე სრულად ვარ ჯანმრთელი. ასე ვიყავი გუშინაც და სწორედ ამიტომ გადავწყვიტე აქციაზე მისვლა.
ცხადია მე არასდროს არც ჩემს და მითუმეტეს არც სხვის ჯანმრთელობას საფრთხეში არ ჩავაგდებ. ამას მათთვის ვამბობ ვინც მართლა შეწუხდა და განიცადა წყალწაღებულ ხელისუფლებასთან, მათ პროპაგანდონებთან, რომლებსაც მხოლოდ "გამოჭერა" აინტერესებთ, ხალხის ჯანმრთელობა კი ფეხზე ჰკიდიათ, არაფერი მაქვს სათქმელი
და ბოლოს აიცერით ხალხნო. ნუ იქნებით მთავრობის იმედად. აიცერით რომ კარგად იყოთ თქვენც და თქვენი ახლობლებიც. გისურვებთ ჯანმრთელობას" - წერს უგულავა.
ცნობისათვის, გიგი უგულავას განცხადებით, აქციაზე გასვლამდე მან ტესტი ჩაიტარა, რომელმაც უარყოფითი პასუხი აჩვენა, ხოლო აქციაზე მისვლა ექიმთან კონსულტაციის შემდეგ გადაწყვიტა.