ავტორი:

"25 მილიონი რა არის, ხო?! ვთხოვე, ასე და ასეა და 50 მილიონი უნდა გახადოთ-მეთქი დაფინანსება..." - რა სკანდალური ამბავი გაიხსენა მეუფე სპირიდონმა ქადაგებისას

"25 მილიონი რა არის, ხო?! ვთხოვე, ასე და ასეა და 50 მილიონი უნდა გახადოთ-მეთქი დაფინანსება..." - რა სკანდალური ამბავი გაიხსენა მეუფე სპირიდონმა ქადაგებისას

სხალთის მიტროპოლიტი, მეუფე სპირიდონი ქადაგებისას ამბობს, რომ ხელისუფლებასთან მას მოლაპარაკებები ჰქონდა დაფინანსების გაზრდაზე. მეუფის თქმით, საპატრიარქო ითხოვდა 25 მილიონის ნაცვლად 50-მილიონიანი დაფინანსების მიღებას, თავდაპირველად, თანხმობაც მიიღეს, თუმცა შემდეგ შეთანხმება ჩაიშალა. "ტვ პირველის" ინფორმაციით, საპატრიარქოს აღნიშნულ საკითხზე მოლაპარაკება წინა ხელისუფლებასთან ჰქონდა. ტელეკომპანია ქადაგების ამსახველ ვიდეომასალასაც ავრცელებს.

"25 მილიონი რა არის, ხო?! ამდენ ხალხს როგორ ეყოფა?! ათასობით ადამიანი მუშაობს საქართველოს დედა ეკლესიაში, ხელფასს იღებს იქ. ხოდა, მივედი და ვთხოვე, ასე და ასეა და 50 მილიონი უნდა გახადოთ-მეთქი (დაფინანსება). დამჭირდა ბევრი დღე, სიარული და სხვათა შორის, კიო, გავხდითო, მითხრეს, ხელი ხელში მივეცით, ჩამოვართვით ხელი ერთმანეთს და ვახარე პატრიარქს, გაკეთებულია საქმე-მეთქი.

დავდივარ ეკლესიის ეზოში და მირეკავს ფინანსთა მინისტრის პირველი მოადგილე, ბიუჯეტს ვინც განაგებს. იცით რაო, მეუფეო, ახლა აღარ გვაქვს ამის საშუალებაო, 50 მილიონისო, პირიქით, ძალიან გვიჭირსო და იმ 25 მილიონს ორნახევარ მილიონს კიდევ მოვაკლებთო, ანუ 22.5 მილიონი დაგვიტოვეს.

ნახე, ეკლესიას 25 მილიონი აქვსო, შე დალოცვილო, ნამუსი ხომ უნდა გქონდეს ადამიანს?! "პირველი არხი" 70 მილიონით ფინანსდება როგორც მე ვიცი, რას აკეთებს ახლა, რა რეიტინგი აქვს, ვინ უყურებს? საქართველოს საპატრიარქოს ასამდე მარტო სკოლა აქვს, ოთხი უნივერსიტეტი აქვს, სასულიერო აკადემია აქვს ორი, აქვს სასულიერო სემინარია, ამდენი ბავშვთა სახლები და 25 მილიონი აქვს დაფინანსება", - ამბობს მეუფე სპირიდონი.

  • მისივე თქმით, საპატრიარქოს თავდაპირველად ექსპრეზიდენტი მიხეილ სააკაშვილი ეხმარებოდა და მას ამას "არავინ უკარგავს."

"მოგვეხმარა ბატონი პრეზიდენტი, სააკაშვილი, არავინ არ უკარგავს. უნივერსიტეტი არსებობს დღეს და მან გადმოგვცა ის ბაზა. ვთხოვეთ სააკაშვილის ხელისუფლების დროს და ჯავახეთის პანსიონატისთვის გადმოგვეცა ის შენობები და ფინანსურადაც გვეხმარებოდა. ამას არავინ არ უკარგავს მას, თვითონ თუ არ დაუკარგა თავის თავს.

მერე მოხდა საოცრება, მერე უკვე ფინანსურად აღარ გვეხმარებოდა იმიტომ, რომ თურქებმა და ამერიკელებმა დაუცაცხანეს, ნუ ეხმარები ეკლესიასო და გააჩერა. რომ ვფიქრობ, რამ განაპირობა სააკაშვილის ხელისუფლების კრახი, ეს იქიდან იყო, რომ ის ეკლესიას დაუპირისპირდა.

ჯერ ერთი, შე დალოცვილო, უბრალო არითმეტიკას ვამბობ ახლა, საქართველოს დედა ეკლესიას 90% უჭერს მხარს, პატრიარქის რეიტინგი არის 90%, ბიჭო, ელემენტარულად არითმეტიკა ხომ უნდა იცოდე?! ეკლესიას რომ დაუპირისპირდები, ის 90% ხომ დაგიპირისპირდება შენ იმიტომ, რომ ის მრევლია და თუ შენ ეკლესიის გვერდით იქნები, პატრიარქის გვერდით იქნები, მისი ერთგული იქნები, მისი გამგონე იქნები, ის 90% ხო შენ დაგიჭერს მხარს?!" - ამბობს მეუფე სპირიდონი.