"თქვენ ხართ "მიშას სექტა", დაფუძნებული ბოროტებაზე" - კახა კალაძე ჟურნალისტს

როდესაც პოლიტიკური აგრესიისგან დაცლილ იდილიაზე ვსაუბრობთ, აქ "ნაციონალური მოძრაობა" ვერ და არ განიხილება!" - ამის შესახებ თბილისის მერობის კანდიდატმა კახა კალაძემ ჟურნალისტებთან საუბრისას განაცხადა.

ჟურნალისტის კითხვაზე, როგორ შეაფასებს იმ ფაქტს, რომ ადრე ამბობდა, რომ მზად იყო პოლარიზების დასრულებისთვის, რამდენიმე დღის წინ კი განაცხადა, რომ „დავასრულოთ ნაციონალები", რაზეც კალაძემ განმარტა, მას 2012 წლიდან რიტორიკა არ შეუცვლია.

„კახი კალაძეს რიტორიკა არ შეუცვლია 2012 წლიდან მოყოლებული, მას შემდეგ, რაც პირველ ოქტომბერს ძალადობაზე გავიმარჯვეთ. როდესაც პოლიტიკური აგრესიისგან დაცლილ იდილიაზე ვსაუბრობთ, აქ "ნაციონალური მოძრაობა" ვერ და არ განიხილება! თქვენ ხართ "მიშას სექტა", დაფუძნებული ბოროტებაზე, ამით არსებობთ, არ გაინტერესებთ ქვეყნის ბედი. რატომ გგონიათ, რომ მარტო თქვენ ხართ პოლიტიკური პარტია, უამრავი პოლიტიკური პარტია და პოლიტიკოსია ქვეყანაში",- მიმართა კალაძემ ჟურნალისტს.

ამასთან, ჟურნალისტის კითხვაზე, როგორ შეაფასებს "აგრესიული წინასაარჩევნო კამპანიას, კალაძე პასუხობს: "თქვენ მოგეწონათ ის, რაც პირველი ტურის განმავლობაში ხდებოდა ჩემი და ჩემი ოჯახის წინაააღმდეგ?!