"ქართული ოცნების" რუსთავის მერობის კანდიდატი ხალხს უფასო ლიფტს ჰპირდება - "გავაუქმებთ ე.წ. ხურდის ჩასაყრელ ყუთებს"
"ქართული ოცნების" რუსთავის მერობის კანდიდატი ნინო ლაცაბიძე მოსახლეობას ლიფტებით უფასოდ სარგებლობას ჰპირდება.
აღნიშნულის შესახებ მან ბრიფინგზე განაცხადა.
"ახალი წლიდან რუსთავში ლიფტებით სარგებლობა იქნება უფასო. ძველი და ამორტიზირებული ლიფტების ახალი ლიფტების სრულად ჩანაცვლებამდე ჩემი მერობის პერიოდში ბიუჯეტიდან გამოიყოფა თანხები, რათა ახალი პროგრამის განხორციელება დავიწყოთ.
პროგრამას განვახორციელებთ კორპუსის ამხანაგობებთან ერთად და ჩვენ შევძლებთ, რომ ლიფტების ელექტროენერგიის თანხა, რომლის შეგროვება უწევს სამეზობლოს, გადაიხადოს რუსთავის მერიამ, ასევე გავაუქმებთ ამ პროგრამის ფარგლებში ამხანაგობებთან შეთანხმებით ე.წ. ხურდის ჩასაყრელ ყუთებს და დავიწყებთ უფრო აქტიურად ძველი ამორტიზირებული ლიფტების ახალი ევროპული სტანდარტების ლიფტებით ჩანაცვლებას," - განაცხადა ნინო ლაცაბიძემ.