"ექიმები ფიქრობენ, რომ დღევანდელმა კრიზისმა გადაიარა... სამედიცინო დახმარება დასჭირდა მიშას" - რას წერს ნანუკა ჟორჟოლიანი?

ჟურნალისტი ნანუკა ჟორჟოლიანი მიხეილ სააკაშვილის ჯანმრთელობის მდგომარეობაზე წერს. მისი ინფორმაციით, ექსპრეზიდენტს სამედიცინო დახმარება დასჭირდა.

"ექიმები ფიქრობენ, რომ დღევანდელმა კრიზისმა გადაიარა... სამედიცინო დახმარება დასჭირდა მიშას. ამ დროს, ესენი მოკვლევას იმაზე იწყებენ, როგორ მოხვდა ფანჯარასთან. მგონი ვერავინ აღვიქვამთ, რა რეალობის წინაშე შეიძლება გავიღვიძოთ ერთ დღეს" - წერს ჟორჟოლიანი.

საქართველოს მესამე პრეზიდენტის მიხეილ სააკაშვილის პირადი ექიმის, ნიკოლოზ ყიფშიძის განცხადებით, სააკაშვილის ჯანმრთელობის მდგომარეობა დამაკმაყოფილებელია, თუმცა დღეს მას სისხლის ანალიზი ჩაუტარდა, სადაც „ერთი პარამეტრი კარგი არ იყო“.

როგორც ყიფშიძე ამბობს, სააკაშვილის მკურნალობის საავადმყოფოში გაგრძელებაა საჭირო, თუმცა დღეს არა, რადგან „კრიზისმა გადაიარა“.

კითხვაზე, მოსალოდნელია თუ არა, რომ ასეთი კრიზისი გამეორდეს, ექიმი ამბობს, რომ ხვალ შესაძლებელია.

„აქ რომ მოვდიოდი, ვიცოდი, რომ ერთ-ერთი პარამეტრი საკმაოდ ცუდი იყო. ამიტომ გავუკეთეთ გადასხმა. გადასხმა საკმაოდ კარგად ჩატარდა. ციხის ექიმები და რეანიმობილის ბრიგადა დამეხმარა. ჯერჯერობით ყველაფერი კარგადაა. მაგრამ ეს პროცედურა საველე პირობებში ჩატარდა. საჭიროა, რომ მისი მკურნალობა მოხდეს სამოქალაქო საავადმყოფოში, არ შეიძლება ამის გაკეთება ციხის საავადმყოფოში. აქედან გადავიყვანოთ ციხის საავადმყოფოში, სადაც არ იქნება ბევრი რამე დაცული?“,- განაცხადა ნიკოლოზ ყიფშიძემ.

ცნობისთვის, საქართველოს მესამე პრეზიდენტი მიხეილ სააკაშვილი 1-ელ ოქტომბერს თბილისში დააკავეს. ის რუსთავის მე-12 პენიტენციურ დაწესებულებაში იმყოფება, სადაც უკვე 22-ე დღეა შიმშილობს.