"იცით რა არის შიმშილობა? ირაკლი ბათიაშვილის შიმშილობის 16 დღე... ისეთი დასუსტებული იყო მამაჩემი, რომ ფეხზე ძლივს იდგა" - ირინა ბათიაშვილი
ირაკლი ბათიაშვილის შვილი, ირინა ბათიაშვილი იხსენებს წლების წინ, ირაკლი ბათიაშვილის შიმშილობას და აღნიშნულის შესახებ "ფეისბუქში" პოსტს აქვეყნებს:
"იცით რა არის შიმშილობა? მე გეტყვით: ირაკლი ბათიაშვილის შიმშილობის 16 დღე - არანაირი საკვები, არანაირი საკვების დანამატები, არანაირი წვენები, არანაირი გადასხმები, არანაირი ვიტამინები, არანაირი მინერალური წყალი, ბორჯომსაც კი არ სვამდა!
როცა უწმინდესი და უნეტარესი საქართველოს კათოლიკოს-პატრიარქი ილია მეორე შევიდა ირაკლი ბათიაშვილის, თავისი სულიერი შვილის, საქართველოს დამოუკიდებლობის ერთ-ერთი შემომქმედის და ეროვნული მოძრაობის ერთ-ერთი ლიდერის 4 კვადრატულ საკანში, ისეთი დასუსტებული იყო მამაჩემი, რომ ფეხზე ძლივს იდგა.