ელენე ხოშტარიასთან, რომელიც მეექვსე დღეა პარლამენტში შიმშილობს, სასწრაფო მივიდა
პარლამენტში ელენე ხოშტარიასთან, რომელიც მეექვსე დღეა შიმშილობს, სასწრაფო დახმარების ბრიგადა მივიდა. როგორც დღეს დილით ოჯახის ექიმმა ჟურნალისტებთან განაცხადა, სასიცოცხლო პარამეტრები შეცვლილია, თუმცა, ნორმის ფარგლებში რჩება.
არსებული ინფორმაციით, მან წამიერად დაკარგა გონება და ახლა თავს კარგად გრძნობს.
ცნობისათვის, "დროას" ლიდერი, დეპუტატი ელენე ხოშტარია უკვე მეექვსე დღეა პარლამენტის შენობაში შიმშილობს, ის მიხეილ სააკაშვილის სამოქალაქო კლინიკაში გადაყვანას ითხოვს.