პარლამენტის ეზოში რამდენიმე ავტობუსით საპოლიციო ძალები შეიყვანეს
პარლამენტის ეზოში შსს - ის სპეცდანაყოფების გადაადგილება შეინიშნება. საპოლიციო ძალები ეზოში რამდენიმე ავტობუსით შეიყვანეს.
ამასთან, პარლამენტის უკანა შესასვლელთან დილიდან ისევ არის აღმართული რკინის ჯებირიც.
"ნუ გიკვირთ ეს საქართველოში, რაც ნებისმიერ დემოკრატიულ ქვეყანაში არის სტანდარტი. კარგად გვახსოვს პარლამენტის შესასვლელს კი არა, ერთი კილომეტრის ფარგლებში კეტავდნენ ყველანაირ შესასვლელს კონგრესის შენობასთან და ეს მოხდა რამდენჯერმე ბოლო რამდენიმე თვეში,"- განაცხადა უმრავლესობის წევრმა სოზარ სუბარმა ჟურნალისტებთან.