კაბა, რომელიც ემი უაინჰაუსს უკანასკნელ კონცერტზე ეცვა, აუქციონზე 243 000$-ად გაიყიდა - რას მოხმარდება აუქციონზე შეგროვილი თანხა?
27 წლის ასაკში ტრაგიკულად გარდაცვლილი უნიჭიერესი მომღერლის, ემი უაინჰაუსის 800-მდე ნივთი აუქციონზე გაიყიდა. შეგროვილი თანხა, რომელიც 4 მილიონ დოლარს აღემატება, უაინჰაუსის მშობლების შექმნილ საქველმოქმედო ფონდს გადაეცემა და ალკოჰოლ და ნარკოდამოკიდებული ახალგაზრდების მკურნალობას მოხმარდება.
- აუქციონზე გატანილ ნივთებს შორის იყო ზოლიანი მინი კაბა, რომელიც მომღერალს სიკვდილამდე 1 თვით ადრე, ბელგრადში გამართულ კონცერტზე ეცვა. კაბა 243 000 დოლარად გაიყიდა, რაც მის თავდაპირველ ფასს 16-ჯერ აღემატება.
- Moschino-ს ბრენდის გულის ფორმის წითელი ჩანთა, რომელიც ემი უაინჰაუსს 2007 წლის დიდი ბრიტანეთის დაჯილდოვების საღამოზე ეკავა, 204 800$-ად გაიყიდა.
- მომღერლის ნაქონი Dolce & Gabbana-ს კაბა კი 150 000$-ად გასხვისდა.
აუქციონზე გაყიდული ნივთების ნაწილი ლონდონში, დიზაინის მუზეუმში, ემი უაინჰაუსისადმი მიძღვნილ გამოფენაზე იქნება წარმოდგენილი. მათი ნახვა 26 ნოემბრიდან იქნება შესაძლებელი, შემდეგ კი ნივთები ახალ მეპატრონეებს გადაეცემათ.
თარგმნა ანა სიბოშვილმა