"მიხეილ სააკაშვილზე თქვეს, რომ 29-ში განვიხილავთ საკითხს მის გარეშე, რადგან ცოცხალი არ იქნებაო" - ნიკა გვარამია

"29 ნოემბერი მიხეილ სააკაშვილის სიკვდილის თარიღი კი არ არის, თქვენი ხელისუფლების გადაშენების თარიღია," - ამის შესახებ ყოფილი პრეზიდენტის, მიხეილ სააკაშვილის ადვოკატმა, ნიკა გვარამიამ, ექსპრეზიდენტის სასამართლო პროცესის დასრულების შემდეგ, ჟურნალისტებს განუცხადა.

მისი თქმით, სააკაშვილის სასამართლო სხდომაზე, დარბაზში არ შეუშვეს.

როგორც მან აღნიშნა, 29 ნოემბერი იქნება სასამართლო ხელისუფლების გადაშენების თარიღი.

"კაცი იმყოფება წამების პირობებში, არანებაყოფლობითი მკურნალობის და ასევე გარედან ზეწოლის პირობებში - პატიმრების იქნება ეს, თუ ექიმების. ფორმალური საფუძველიც კი არ არსებობს ჩვენი არშეშვების. შესვენება გამოცხადდა და შესვენების მერეც არ შეგვიშვეს. ყველაზე მთავარი, 29 ნოემბერს პროცესის ჩანიშვნა არის ცინიზმის მწვერვალი. მათ დღეს პრაქტიკულად სასიკვდილო განაჩენი გამოგვიტანეს შუამდგომლობაზე. 29-ში პროცესის ჩანიშვნით მიხეილ სააკაშვილზე თქვეს, რომ ამ დროისთვის ის მაინც არ იქნება და 29-ში განვიხილავთ ამ საკითხს მის გარეშე, რადგან ცოცხალი არ იქნებაო. ეს არის დღევანდელი სასამართლოს გადაწყვეტილება, რომელსაც ვეუბნები, მიხეილ სააკაშვილი იქნება ცოცხლი და თქვენ არ იქნებით მოსამართლეები - მაღლა მზე იქნება და ეს ასე იქნება. 29-ში მიხეილ სააკაშვილი ცოცხალი იქნება, იმის მერეც და 29-ში, როგორმე თქვენი ხელისუფლება თუ მიგორდა თავის სასამართლო ხელისუფლებიანად, ამაზე იფიქროთ გირჩევნიათ. 29 ნოემბერი მიხეილ სააკაშვილის სიკვდილის თარიღი კი არ არის, თქვენი ხელისუფლების გადაშენების თარიღია“, - განაცხადა ნიკა გვარამიამ.