ფრიდა კალოს ნამუშევარი აუქციონზე რეკორდულ ფასად გაიყიდა - ვინ შეიძინა 34-მილიონად უნიკალური ნახატი
ცნობილი მექსიკელი მხატვრის, ფრიდა კალოს ნამუშევარი სოთბის აუქციონზე 34.9 მილიონ დოლარად გაიყიდა და ეს ყველაზე დიდი თანხაა, რაც კი ფერმწერის ნამუშევარში ოდესმე გადახდილა.
ფრიდას ფერწერული ტილო - Diego y Yo, მისი ერთ-ერთი ბოლო ავტოპორტრეტია. ნამუშევარზე აცრემლებულ ფრიდას ვხედავთ.
- მექსიკელი მხატვრის ეს ტილო სოთბის აუქციონზე დაახასიათეს, როგორც "ფრიდას ყველაზე მნიშვნელოვანი ნამუშევარი, რომელიც კი აუქციონზე ოდესმე ჰქონიათ“.
ადამიანი, ვინც ფრიდა კალოს პორტრეტი შეიძინა, არგენტინაში მუზეუმის მფლობელი, ედუარტო კოსანტინია.
- ფერწერული ნამუშევარი ბოლოს 1990 წელს იყო აუქციონზე გატანილი და 1.4$ მილიონად გაიყიდა.
ფრიდა კალო მეოცე საუკუნის ერთ-ერთ უდიდეს მხატვრადაა აღიარებული და ცნობილია ავტოპორტრეტებით, რომლებშიც მისი მძიმე ცხოვრების განმავლობაში განცდილი ემოციები და ტკივილი უბადლოდაა გადმოცემული.
მოამზადა ანა სიბოშვილმა