როგორ უნდა გადმოწეროთ "მწვანე პასპორტის“ აპლიკაცია, ვინ მიიღებს "მწვანე სტატუსს“ და სად ვერ შეძლებთ შესვლას მის გარეშე - პასუხები ხშირად დასმულ კითხვებზე
"მწვანე პასპორტის“ აპლიკაცია, რომლითაც განისაზღვრება მოქალაქის კოვიდ სტატუსი, უკვე ჩაეშვა და მოქალაქეებს მისი გადმოწერა შეუძლიათ.
აპლიკაცია, რომელსაც GEORGIA e-Health ჰქვია Android-ის მომხმარებლებს შეუძლიათ გადმოწერონ შემდეგი ბმულიდან - ბმული 1, ხოლო IOS-ის შემთხვევაში, შემდეგი ბმულიდან - ბმული 2.
პირს "მწვანე სტატუსი" ექნება იმ შემთხვევაში თუ:
- ვაქცინირებულია სრულად;
- ჩატარებული აქვს 72-საათიანი ვალიდურობის ანტიგენ-ტესტი;
- გადატანილი აქვს კორონავირუსი.
<iframe width="560" height="315" src="https://www.youtube.com/embed/N74buyhZfgA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>საკოორდინაციო საბჭოს გადაწყვეტილებით, მოქალაქეები მხოლოდ და მხოლოდ "მწვანე პასპორტის“ პრინციპით შეძლებენ შესვლას:
- კვების ობიექტების, რესტორნების, კაფეების და ბარების ღია და დახურულ სივრცეებში.
- კინოთეატრებში, თეატრებში, ოპერაში, მუზეუმებში, საკონცერტო დარბაზებში.
- გასართობ ცენტრებში, სამორინეებსა და სათამაშო ბიზნესის ობიექტებზე.
- სპა-ცენტრებში, ფიტნეს-დარბაზებში, სასტუმროებში.
- ასევე სამთო კურორტების საბაგირო გზებზე. აღნიშნული მოთხოვნა გავრცელდება ჩამოთვლილი ობიექტების სტუმრებზე.
რაც შეეხება საბავშვო გასართობ ცენტრებს, მწვანე პასპორტის მოთხოვნა იმოქმედებს მხოლოდ 18 წლის ზემოთ მოქალაქეებისთვის.