ბოლო 500 წელიწადში პირველად, მთვარის ყველაზე ხანგრძლივი დაბნელებაა მოსალოდნელი - რა უნდა იცოდეთ ამ მოვლენის შესახებ

მთვარე სულ მალე მოექცევა დედამიწის ჩრდილში და ეს იქნება ყველაზე ხანგრძლივი მთვარის დაბნელება, რაც კი მე-15 საუკუნის შემდეგ ყოფილა. მთვარის 97%-ს შეეხება დაბნელება და მისი ნახვა ევროპისა და აზიის დიდ ნაწილში, ავსტრალიაში, ჩრდ. ამერიკაში და აფრიკაში იქნება შესაძლებელი. სამწუხაროდ, საქართველოდან ეს მოვლენა არ გამოჩნდება და მხოლოდ ონლაინ შეგვეძლება პროცესისთვის თვალის მიდევნება.

• მთვარის თითქმის სრული დაბნელება 6 საათი გაგრძელდება: დაიწყება დილის (აღმ. ამერიკის დროით) 1:03 საათზე და 4:03 საათზე პიკს მიაღწევს.
• დედამიწის ატმოსფერო, რომელიც მზის სხივებს გაფანტავს, მზის ჩასვლის ეფექტს შექმნის მთვარეზე და შედეგად, ის მოწითალო-მოყავისფრო შეფერილობის გამოჩნდება.

ეს მოვლენა სავსემთვარეობას ემთხვევა, რომელსაც ადგილობრივი ამერიკელი ტომები "თახვის მთვარეს" უწოდებენ. ნოემბრის სავსე მთვარე 3 დღის განმავლობაში იქნება ხილვადი.

• ნასას განცხადებით, ვისაც ვარსკვლავებზე დაკვირვება უყვარს, წლის ბოლომდე კიდევ ექნება შანსი სხვადასხვა ციურ მოვლენებს ადევნოს თვალი: 13,14 და 22 დეკემბერს მეტეორის წვიმებია მოსალოდნელი, 4 დეკემბერს კი მზის სრული დაბნელება.

გთავაზობთ ვიდეოს, სადაც პირდაპირი ეთერით გადმოსცემენ მთვარის დაბნელებას:

<iframe width="560" height="315" src="https://www.youtube.com/embed/U079_8l8SNM" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

მოამზადა ანა სიბოშვილმა