ავტორი:

21-ე საუკუნის რომანტიკა - ინდოელმა მასწავლებელმა მეუღლეს "თაჯ-მაჰალი" აუშენა

21-ე საუკუნის რომანტიკა - ინდოელმა მასწავლებელმა მეუღლეს "თაჯ-მაჰალი" აუშენა

მდიდარმა ინდოელმა მასწავლებელმა, ანანდ პრაკაშ ჩუკსიმ, ცოლს სიყვარულის ნიშნად, თაჯ-მაჰალის მსგავსი შენობა აუგო. ჩუკსი, რომელმაც სანუკვარ მეუღლეს ასეთი დაუვიწყარი საჩუქარი მიუძღვნა, 52 წლისაა.

ცოლისთვის აშენებული მარმარილოს სასახლე ორიგინალის 1/3 ზომისაა და 1000 კვ.მ. ტერიტორიას იკავებს. მასწავლებელმა სახლის მშენებლობის დასრულებას 3 წელი მოანდომა.

ნამდვილი თაჯ-მაჰალის მსგავსად, ანანდ პრაკაშ ჩუკსის სახლშიც არის კოშკები და ფასადიც ისეთივე მარმარილოთია მოპირკეთებული, როგორითაც თაჯ-მაჰალი. სახლის გუმბათი 9 მეტრის სიმაღლისაა.

  • სახლს, რომელიც მსოფლიოს მეშვიდე საოცრების იდენტურია, აქვს 4 საძინებელი, მისაღები ოთახი, ბიბლიოთეკა და მედიტაციისთვის განკუთვნილი ოთახი.

ჩუკსი არ ამჟღავნებს მშენებლობაში დახარჯულ მთლიან თანხის რაოდენობას და ამბობს, რომ მას სურდა პატარა ქალაქში, რომელიც ახალი შენობებითაა სავსე, ყველასგან გამორჩეული სასახლე ჰქონოდა. ანანდ ჩუკსის სურს, რომ მეუღლისთვის განკუთვნილი საჩუქარი, რომლის აგებაშიც დიდი ენერგია აქვს ჩადებული, ისტორიას შემორჩეს და დიდხანს ილაპარაკონ მასზე.

თაჯ-მაჰალი იმპერატორ შაჰ ჯაჰანის შეკვეთით ააგეს. მან მეშვიდე საოცრება, მისი მეუღლის - მუმთაზ მაჰალის მოსაგონრად ააშენებინა. მუმთაზი მშობიარობისას გარდაიცვალა. თაჯ-მაჰალის აგების იდეა დღემდე სიყვარულის სიმბოლოდ ითვლება.

წყარო

მოამზადა ანა სიბოშვილმა