ავტორი:

ნაღების კარაქი, წასასმელი კარაქი და სპრედი - როგორ განვასხვაოთ ეს პროდუქტები ერთმანეთისგან

ნაღების კარაქი, წასასმელი კარაქი და სპრედი - როგორ განვასხვაოთ ეს პროდუქტები ერთმანეთისგან

მაღაზიაში კარაქის საყიდლად შესული თუ ბევრს ფიქრობთ, როგორ აარჩიოთ კარაქი, რა განსხვავებაა ნატურალურ კარაქსა და სპრედს შორის, რა არის წასასმელი კარაქი ანუ spreadable butter, რისთვის უნდა იყიდოთ მარგარინი და ა. შ. მაშინ აუცილებლად უნდა გაეცნოთ წესებს, რომლებიც მათ განსხვავებაში დაგეხმარებათ.

ნამდვილი ნაღების კარაქი 82-პროცენტიანია. ის ნატურალური რძისგან შედგება და მის შემადგენლობაში რძის გარდა, მხოლოდ მარილი შედის.

წასასმელი კარაქი, რომელსაც შეფუთვაზე აწერია spreadable - ხშირად ერევათ სპრედში, თუმცა ეს ასე არ არის. Spreadable ნიშნავს წასასმელ კარაქს, რომელსაც რბილი სტრუქტურა აქვს, მას მოხმარებამდე ოთახის ტემპერატურაზე გაჩერება და დარბილება არ სჭირდება. მაცივარში არ მაგრდება. შეგიძლიათ მაცივრიდან გამოღებისთანავე მარტივად და კომფორტულად წაუსვათ პურზე. „ლურპაკის“ წასასმელი კარაქის შემადგენლობაში შედის „რაფსის“ ზეთი, რომელიც მის სტრუქტურას უფრო ნაზს, ჰაეროვანსა და გემრიელს ხდის. მას სასიამოვნო და მსუბუქი გემო აქვს და როგორც წესი, ევროპის ქვეყნებში იყენებენ საუზმის დროს პურზე წასასმელად, ან სენდვიჩების მოსამზადებლად.

სპრედი( spread) - წარმოადგენს ცხოველური და მცენარეული ცხიმების ნარევს, მას ნაკლები პროცენტულობით აქვს ცხიმი, თუმცა ხშირ შემთხვევაში გაჯერებულია საღებავებით, გემოს გამაძლიერებლებით და არომატიზატორებით. თუ პროდუქტს ეტიკეტზე აწერია 60-50% ცხიმის შემცველობა, ასეთი პროდუქტი სპრედია და არა კარაქი. სპრედი შეიძლება იყოს 72%-იანიც.

მარგარინი არის მცენარეული ცხიმების ერთობლიობა, რომელსაც გადამუშავებისას უტარდება ჰიდროგენიზაცია, რის შედეგადაც თხევადი ზეთი გარდაიქმნება მყარ მასად და წარმოიქმნება ტრანსცხიმები. ტრანსცხიმები ძალიან საშიში პროდუქტია და მისი გამოყენება რეკომენდებული არაა.

კანონმდებლობით სავალდებულოა, რომ პროდუქტის ეტიკეტზე მითითებული იყოს, კარაქია ის თუ სპრედი. თუმცა აუცილებელია ნამდვილი ნატურალური კარაქის სპრედისგან ვიზუალურად გარჩევაც შეგეძლოთ.

  • პირველ რიგში, ყურადღება მიაქციეთ ფერს. ნაღების კარაქი არც თეთრი უნდა იყოს და არც მუქი ყვითელი. მას ღია ყვითელი შეფერილობა უნდა ჰქონდეს;
  • საყინულიდან ახლადგამოღებული კარაქი მარტივად არ უნდა იჭრებოდეს. გაჭრისას ის შეიძლება დაიბზაროს კიდეც, რაც პროდუქტის ნატურალურ შემადგენლობას უსვამს ხაზს.
  • შეფუთვის გახსნის შემდეგ ნატურალური კარაქი ქაღალდზე არ რჩება. თუ პროდუქტი შეფუთვას ეწებება და მასზე რჩება, ე. ი. ის სპრედია;
  • გახურებულ ტაფაზე ნაღების კარაქი უნდა დნებოდეს თანაბრად და არ გამოყოფდეს ცალკე წყალს. შესაძლებელია აქაფდეს, თუმცა არ უნდა აშხეფდეს;
  • ჩაატარეთ პატარა ექსპერიმენტი: მოათავსეთ კარაქის ნაჭერი საყინულეში 10 წუთით, შემდეგ კი დადეთ ოთახის ტემპერატურაზე. თუ მასზე წყლის წვეთები გაჩნდა, ესე იგი შემადგენლობაში მცენარეული ცხიმები შედის და ის სპრედია. ნატურალური კარაქი წვეთებს არ იკეთებს.

ამ წესების ცოდნა დაგეხმარებათ, რომ ნატურალური კარაქი სპრედისგან გაარჩიოთ. ერთმანეთში არ აგერიოთ სპრედი და წასასმელი კარაქი spreadable.

არ აქვს მნიშვნელობა კარაქს პურზე წასასმელად ყიდულობთ, ცხობისთვის თუ კულინარიაში სხვადასხვა დანიშნულებით გამოსაყენებლად. მთავარია, არჩევანი 100%-ით ნატურალურ პროდუქტზე შეაჩეროთ.

აქვე გეტყვით, რომ მნიშვნელოვანია არა მხოლოდ ის, რამდენ პროცენტიან ნაღების კარაქს ვყიდულობთ, არამედ როგორ არის შექმნილი ეს პროდუქტი და როგორი ტექნოლოგიით.

უმაღლესი ხარისხის ევროპული პროდუქტები შეგიძლიათ შეიძინოთ ევროპროდუქტის მაღაზიათა ქსელში.